डान्स इंडिया डान्स लिटिल मास्टरमध्ये सागर झळकतो
जळगाव (प्रतिनिधी) जळगाव येथील ड्रीम डान्स क्लासेसचा विदयार्थी
सागर दिलीप वरपे (वय 11) याने एका खाजगी टीव्ही रिॲलिटी शो डान्स इंडिया डान्स लिटिल मास्टर मध्ये देशभरातुन टॉप१५ मध्ये आला आहे. सागर ने कठीण परिस्थितीवर मात करून नृत्य कलेत जळगावचा नाव लौकिक करत आहे.
शहरातील पिंप्राळा मढी चौकातील वरपे कुटुंबांची जेमतेम परिस्थिती,घरातील कर्ते दिलीप वरपे सलूनचे दुकान चालवून कुटुंबाचा उदरनिर्वाह करतात. त्यांच्या पत्नी उषा वरपे या वेगवेगळ्या ठिकाणी घरकाम करून हातभार लावतात. या अशी परिस्थिती असली तरी लहान मुलगा सागर वरपे याला नृत्याची मोठी आवड.
सागरला मुबंईत पाठवून देशभरात जळगावचा नाव लौकिक होण्यासाठी ड्रीम डान्स क्लासेसचे नृत्यप्रशिक्षक भगवान पाटील यांचा मोलाचे मार्गदर्शन लाभले. भगवान पाटील यांनी ६ वर्षापासून हा गृप तयार केला असून सागर वरपे हा त्यांच्याकडे गेल्या 3 वर्षापासून प्रशिक्षण घेत आहे.
परीक्षक अचंबित
दर शनिवारी आणि रविवारी रात्री 9 वाजता डान्स इंडिया डान्स लिटिल मास्टर रिअयललिटी शो मध्ये सागरच्या नृत्य शैलीने परीक्षक रेमो डिसुझा, अभिनेत्री सोनाली बेंद्रे, मोनी रॉय यांना अचंबित करून सागर वरपे याला सोनाली बेंद्रे यांनी आईचा दर्जा देऊन कौतुक केले.
भगवान पाटील यांचे स्वप्न
दादावाडी परिसरात असलेल्या बालविश्र्व स्कूलमधील ड्रीम डान्स क्लासेसचे नृत्यप्रशिक्षक भगवान पाटील यांचे लहानपणापासून स्वप्न होते की, त्यांनी टीव्ही शो मध्ये जाऊन जळगावचा नाव कमवाव. मात्र त्यांनी ते स्वप्न सागर वरपे कडून पूर्ण केलेले आहे. त्यांना हे स्वप्न पूर्ण करण्यासाठी बलविश्र्वा शाळेच्या संस्थापक भारती चौधरी मॅडम आणि संदीप सर तसेच नृत्य कलावंत गुड्डू अडकमोल, दीपक सोनवणे यांचे सहकार्य मिळत आहे.
सागर वरपे व भगवान पाटील यांचे नृत्य शिक्षक नरेश बागडे यांनी अभिनंदन करून त्यांना भावी वाटचालीस शुभेच्छा दिल्या आहेत.
