जळगाव (प्रतिनिधी ) -क्रेडिट कार्डद्वारे परस्पर कर्ज घेऊन शिक्षकाची एक लाख १९ हजारांची फसवणूक केल्याची घटना उघडकीस आली आहे.
फरहान शेख अमिनोद्दीन (वय-३९) रा. भवानीपेठ असे फसवणूक झालेल्या शिक्षकांचे नाव आहे. शहरातील एका उर्दू शाळेत ते शिक्षक म्हणून नोकरीला आहे. आयसीआयसीआय बँकेच्या क्रेडीट कार्डसाठी सप्टेंबर २०२१ मध्ये अर्ज केला होता. त्यांना ऑक्टोबर २०२१ मध्ये क्रेडीट कार्ड पोस्टाद्वारे मिळाले. फरहान शेख यांनी अद्यापपर्यंत क्रेडीट कार्डचा कोणताही वापर केला नसून १७ जानेवारी रोजी क्रेडीट कार्डच्या कस्टमर केअरमधून फोन आला व सांगितले की, तुम्ही घेतलेल्या १ लाख १९ हजार रूपयांचे कर्जाचे दोन हप्ते थकीत ते ब्यास सांगितले. मात्र परंतू कर्ज घेतलेले नसल्याने त्यांनी बँकेत विचारणा केली असता दोन ठिकाणी कर्ज घेतल्याचे आढळून आले. याबाबत अज्ञात व्यक्तीविरोधात शनीपेठ पोलीस ठाण्यात फसवणूकीचा गुन्हा दाखल करण्यात आला आहे. तपास पोलीस उपनिरीक्षक यशोदा कणसे करीत आहे.
