जळगाव ( प्रतिनिधी ) – पाचोरा येथील २१ वर्षीय विवाहितेचा सासरच्या लोकांनी बळजबरीने गर्भपात केला. सीमा सागर शिवणेकर असे विवाहित महिलेचे नाव आहे. या महिलेच्या तक्रारीवरून साक्री पोलिसांत गुन्हा दाखल झाला आहे.
पाचोरा येथे राहणाऱ्या सीमा सागर शिवणेकर हिचा सासरच्या लोकांनी बळजबरीने गर्भपात केला. पती मनोरुग्ण असूनदेखील विश्वासघात करुन सासरच्यांनी तिचा छळ केला. माहेराहून ७ लाख ७० हजार रुपये आणण्याची मागणी करीत मारहाण केली. सीमा यांनी दिलेल्या फिर्यादीवरुन साक्री पोलिस ठाण्यात पती सागर शिवणेकर, सासू मंगलाबाई, सासरे संतोष शिवणेकर, दीर योगेश , मामसासरे विजय ब्राह्मणे, दिप्ती ब्राह्मणे, शिवलाल ब्राह्मणे यांच्याविरुद्ध गुन्हा दाखल करण्यात आला. संशयितांना अटक करावी अशा मागणीचे निवेदन सीमा शिवणेकर यांच्या वडीलांनी जिल्हा पाेलिस अधिक्षकांना दिले आहे.
