मुक्ताईनगर ( प्रतिनिधी ) – सातारा जिल्ह्यातील ७ वर्षीय चिमुकलीवर अत्याचार करून हत्या करणाऱ्या नराधमाला फाशीची शिक्षा करा, अशा मागणीचे निवेदन आज विश्वकर्मा वंशीय समाज संघटनेतर्फे मुक्ताईनगर तहसीलदार यांना देण्यात आले.
छत्रपती शिवरायांच्या पदस्पर्शाने पावन झालेल्या सातारा जिल्ह्यातील ७ वर्षीय चिमुकलीवर अमानुष व मानवतेला काळीमा फासणारे कृत्य करुन निष्पाप बालिकेची हत्या करणारा नराधाम संतोष धोरात याचा गुन्हा देबेवाडी पोलीसांनी तात्काळ उघडकीस आणुन आरोपीस अटक करुन त्याचेवर पोस्को कायद्यान्वये गुन्हे दाखल केले आहेत.
हा खटला फास्ट ट्रॅक कोर्टात चालवून आरोपी संतोष थोरात यास मरेपर्यंत फाशिची शिक्षा व्हावी, जेणे करुन कुठेही अशी घटना पुन्हा होणार नाही. आरोपीस फाशीची शिक्षा न झाल्यास समस्त समाज बांधव तीव्र आंदोलन करु, यास सर्वस्वी प्रशासन जबाबदार राहील, याची नोंद घ्यावी. असे यावेळी सांगण्यात आले
निवेदन देतांना रवींद्र जंजाळकर, सुधाकर बोरेकर, आर डी मिस्तरी, भास्कर जंजाळकर, रामदास रुले, संतोष दांडगे, शंकर व्हीरोळकर, अनुप रुले, जयेश रुले यांच्यासह सर्व विश्वकर्मा वंशीय संघटना कार्यकर्ते उपस्थित होते.
