कुटुंबालाही मारहाण केल्याचा पत्नीचा आरोप
जळगाव ( प्रतिनिधी) – शहरातील प्रिंपाळा ,मढी चौक भागात आज सायकाळी ७ वाजता किरकोळ वादात कुटुंबाला जबर मारहाण करत एकावर प्राणघातक हल्ला झाल्याची घटना घडली. या मारहाणीत ५२ वर्षीय इसमाची प्रकृती चिंताजनक असल्याचे वैद्यकीय अधिकारी यांनी सांगितले आहे.
पिप्राळा,मढी चौक भागातील रहिवाशी संतोष मकरंद चव्हाण (वय ५२ वर्षे ) हे या प्राणघातक हल्ल्यात गंभीर जखमी झाले.ते कुटुंब प्रमुख आहेत. त्यांच्या डोक्याल जबर शस्त्राने मारहाण करुन खोलवर जखम झाली आहे. डावा पाय आणि उजव्या हाताचे मनगट फ्रेक्चर झाले आहे. मारहाण होत असताना त्यांची पत्नी व मुले जीव वाचविण्यासाठी घटनास्थळावरून पळून गेले होते . त्यामुळे ते एकटे हल्लेखोरांच्या तावडीत सापडले असे प्रत्यक्षदर्शींनी सांगितले.
रितेश उर्फ गोल्या मिलिंद जाधव व त्याच्या साथीदाराने या कुटुंबावर हा हल्ला केला असल्याचे सागण्यात आले आहे. रामानंद नगर पोलीस स्टेशनच्या पोलिसांनी एकास ताब्यात घेतले आहे. याबाबत घटनेची नोद करण्याचे काम सुरु आहे. हल्लेखोर रितेश हा गुन्हेगार आहे. तो काही दिवस तुरुंगात होता . या हल्ल्यात चव्हाण यांच्या जावयालाही मारहाण करण्यात आली आहे.
हे कुटुंब मुळचे खारी ( ब-हाणपुर) येथील रहिवासी आहे . मजुरी करून ते उदरनिर्वाह करतात. १२ वर्षांपासून ते पिप्राळा येथे राहतात . अत्यंत नम्र स्वभावाने संतोष चव्हाण हे या भागात ” देखोदादा ” नावाने ओळखले जातात . रिक्षाचालक निलेश ठाकूर यांनी चव्हाण यांना शासकीय वैद्यकीय महाविद्यालय रुग्णालयात दाखल केले.
