जळगाव ( प्रतिनिधी ) – घरकुल घोटाळा खटल्यात शिक्षा झालेले माजी मंत्री गुलाबराव देवकर यांना जिल्हा बँक निवडणुकीत मज्जाव करावा अशी मागणी करणाऱ्या याचिकेवर आता सर्वोच्च न्यायालयात २६ नोव्हेंबररोजी सुनावणी होणार आहे.
जळगाव जिल्हा बँकेची निवडणूक २१ नोव्हेंबर रोजी झाली आता गुलाबराव देवकर निवडूनही आले आहेत. मात्र त्यांना घरकूल घोटाळ्यात न्यायालयाने पाच वर्षांची शिक्षा सुनावली आहे. ३१ ऑगस्ट २०१९ रोजी त्यांना पाच वर्षे शिक्षा आणि पाच लाखांचा दंड ठोठावण्यात आला होता.नियमानुसार दोन वर्षांपेक्षा जास्त शिक्षा झाल्यास कोणतीही निवडणूक लढविता येत नाही. मध्यंतरी देवकरांच्या शिक्षेला न्यायालयाने स्थगिती दिली होती. आता त्यांचे प्रतिस्पर्धी व जिल्हा परिषदेचे आरोग्य आणि शिक्षण सभापती रवींद्र सूर्यभान पाटील यांनी सुप्रीम कोर्टात धाव घेतली होती. पवन ठाकूर यांनीदेखील सुप्रीम कोर्टात अशीच मागणी करणारी याचिका दाखल केली होती. त्या याचिकेवर १५ नोव्हेंबर रोजी सुनावणी पूर्ण झाली.
गुलाबराव देवकर यांच्या शिक्षेला उच्च न्यायालयाने स्थगिती देवून पुढील तारीख दिल्याने ते जिल्हा बँकेची निवडणूक लढवू शकतात असे स्पष्ट निर्देश सुप्रीम कोर्टाने दिले आहेत , असे सांगण्यात येत आहे.
