धुळे (वृत्तसंस्था) – शहरातील चाळीसगाव शंभर फुटी क्रॉस रस्त्यावर या वर्षभरात अनेक नागरिकांचे व वाहन धारकांचे अपघात होवून बळी गेलेले होते. हे ठिकाण अपघाताला आमंत्रणाचे ठिकाण बनले होते . या ठिकाणी चारी बाजूंनी वाहतुकीची मोठ्या प्रमाणात वर्दळ असल्या कारणाने रोज येथे अपघात होत होते. मागील आठवड्यात एका तरुणाचा देखील अपघात होऊन बळी गेला होता.
या परिसरातील नागरिकांची मोठ्या प्रमाणावर मागणी होती कि या अपघातग्रस्त ठिकाणी गतिरोधक बसविण्यात यावे. यासर्व भावना लक्षात घेवून आमदार फारूक शाह यांनी तात्काळ सार्वजनिक बांधकाम विभागाच्या अधिकाऱ्यांशी चर्चा करून तेथे आज रोजी गतिरोधक बसविण्याचे काम तत्परतेने केले. गतिरोधक बसविण्याचे काम सुरु असतांना काही वाढीव ठिकाणी देखील गतिरोधक बसवावे अशी मागणी तेथील महिला व युवकांनी केली याची तात्काळ दखल घेत आमदार फारूक शाह यांनी नागरिकां समवेत जाऊन तेथे विविध भागाची पाहणी करत तेथे देखील गतिरोधक बसविले. या प्रसंगी धुळे शहराचे आमदार फारूक शाह यांच्या समवेत सार्वजनिक बांधकाम विभागाचे उपअभियंता एजाज शाह तसेच सलीम शाह, परवेज शाह, शहराध्यक्ष नूरा शेख, नगरसेवक गनी डॉलर, आसिफ शाह, निलेश काटे, व परिसरातील नागरिक सागर पाटील डॉ. बापू पवार, डॉ. दीपश्री नाईक, परदेशी मँडम शहेजाद भाई, राहुल काटे, आकाश बिऱ्हाडे व नागरिक मोठ्या प्रमाणात उपस्थित होते. या ठिकाणी आमदार साहेबांनी दौरा केला त्यावेळेस स्थानिक रहिवाश्यांनी व वाहन धारकांनी आमदार साहेबांच्या कामाच्या बद्दल समाधान व्यक्त करत कौतुक केले.
