कोलकाता (वृत्तसंस्था) – विधानसभा निवडणुकीचे वेध लागले असतानाच स्थानिक भाजप नेत्याची क्रूर हत्या झाल्याने पश्चिम बंगालमध्ये राजकीय संघर्ष पेटला आहे. मुख्यमंत्री ममता बॅनर्जी यांच्या विरोधा भाजपने कोलकात्यात आंदोलन केलं. त्या वेळी पोलिसांनी बळाचा वापर करत आंदोलकांना पांगवण्यासाठी जोरदार लाठीमार केला. त्यानंतर आंदोलन हिंस्त्र बनलं. पोलिसांनी निर्दयीपणे लाठीमार केल्याचा एक आता समोर आला आहे. ज्येष्ठ, वयोवृद्ध आंदोलक आणि महिला कार्यकर्त्यांनाही पोलीस धरून मारताना या मध्ये दिसतात.
बंगालच्या 24 परगणा जिल्ह्यातले कार्यकर्ते आणि नगरसेवक मनीष शुक्ला यांच्या हत्येच्या निषेधार्थ भाजपने कोलकाता इथे हावडा मैदानात निदर्शनं केली. या आंदोलनाला हिंसक वळण लागलं. पोलिसांनी जमावाला पांगवण्यासाठी बळाचा वापर केला. प्रथम पाण्याचे फवारे मारून आंदोलकांना हटवण्याचा प्रयत्न झाला. त्यानंतर कोलकाता पोलिसांनी जोरदार लाठीहल्ला सुरू केला. आंदोलकांकडून दगडफेकही झाली. पोलिसांनी अश्रुधूराच्या नळकांड्या फोडल्या. या संपूर्ण हिंसक आंदोलनाचे आता पुढे येत आहेत.
पश्चिम बंगालमध्ये सध्या विधानसभा निवडणुकीचे वारे जोरानं वाहात आहेत. बंगाली निवडणुकीत राजकीय हिंसा नवी नाही. पण या वेळी निवडणुकांची घोषणा होताच भाजप कार्यकर्त्याची हत्या झाल्याने भाजपने थेट सत्ताधारी तृणमूल काँग्रेसवर आरोप केले आहेत. ममता बॅनर्जी यांनी मात्र हा भाजपचा राजकीय खेळ असल्याचं सांगत अंतर्गत वादातून ही क्रूर हत्या झाल्याचं म्हटलं आहे.
भाजपने नाबन्ना चालो (nabanna chalo) नावाने निदर्शन रॅली आयोजित केली होती. हावडा मैदानावर भाजपने जोरदार ममता विरधी घोषणाबाजी केली. युवा मोर्चाच्या या निषेध रॅलीला हिंसक वळण लागलं. कोलकाता पोलिसांनी आंदोलकांना पांगवण्यासाठी बळाचा वापर केला. सुरुवातीला अश्रुधूर, पाण्याचे फवारे मारले आणि नंतर तुफान लाठीमारही केला. जमावाने दगडफेक केल्यानंतर पोलिसांनी अतिरिक्त कुमक मागवत कडक कारवाई सुरू ठेवली. भाजपने केलेल्या निदर्शनांमध्ये कैलास विजयवर्गीय देखील सहभागी झाले होते. याशिवाय अनेक वयोवृद्ध कार्यकर्ते आणि महिलाही आंदोलकांमध्ये होत्या. त्या सर्वांवर पोलिसांनी निर्दयी लाठीमार केला. कोलकात्यात सध्या तणावपूर्ण वातावरण आहे. राजकीय तणाव वाढत जाणार, असं या मधून दिसतं.
