नवी दिल्ली (वृत्त संस्था) – आंतरराष्ट्रीय योग दिनानिमित्त आज जगभरातील नागरीक योगासनं करून हा दिवस साजरा करत आहेत. इंडो-तिबेटीयन बॉर्डर पोलीस दलाच्या जवानांनी देखील तब्बल १८ हजार फुट उंचीवर लडाख मधील शुन्य डिग्री तापमानात योग प्रात्याक्षिकं करून योग दिवस साजरा केला.
अत्यंत खडतर अशा ठिकाणी जवानांनी अगदी शिस्तबद्धरित्या केलेल्या योगासनांसह सुर्यनमस्कार, प्राणायाम आदींचा व्हिडिओ व फोटो आयटीबीपीकडून शेअर करण्यात आले आहेत. एएनआय वृत्तसंस्थेने ते शेअऱ केले आहेत.सध्या भारत-चीन सीमेवर तणावाचे वातावरण असतानाही या ठिकाणी देखील १४ हजार फुट उंचीवरील बद्रीनाथ जवळील वसुधर ग्लॅशियर येथे जवानांनी योगासनं केली.
या शिवाय अरुणाचल प्रदेश येथे देखील जवानांनी योग प्रात्याक्षिकं व प्राणायम केले. येथील लोहितपूरमधील अॅनिमल ट्रेनिंग स्कुल येथे घोड्यांवर चढून जवानांनी योगा केल्याचे दिसून आले.
