जळगाव ( प्रतिनिधी ) – जागतिक आत्महत्या प्रतिबंध दिनानिमित्त गोदावरी कॉलेज ऑफ नर्सिंग, जळगावच्या मानसिक आरोग्य परिचर्या विभागातर्फे विभागातर्फे, डॉ. उल्हास पाटील हॉस्पिटल अँड मेडिकल कॉलेज, जळगाव यांच्या सहकार्याने डॉ. अक्षता पाटील कॉन्फरन्स हॉल येथे जनजागृती कार्यक्रमाचे आयोजन करण्यात आले.
कार्यक्रमासाठी डॉ.उल्हास पाटील वैद्यकिय महाविद्यालयाचे अधिष्ठाता डॉ. प्रशांत सोळंके,प्रमुख वक्ते म्हणून डॉ. उल्हास पाटील मेडिकल कॉलेज अँड हॉस्पिटल, जळगावचे डॉ. आशिष यावले, वरिष्ठ निवासी मानसोपचार तज्ञ तसेच निवासी वैद्यकिय तज्ञ डॉ.हुमेद महाडीक,कनिष्ठ निवासी मानसोपचार तज्ञ टीम, प्राचार्य विशाखा गणविर, मानसिक आरोग्य परिचर्या विभाग प्रमुख प्रा. अश्वीनी वैदय उपस्थित होते.यावर्षीच्या आत्महत्येबद्दलची प्रचलित धारणा बदलणे या मध्यवर्ती संकल्पनेवर आधारित या कार्यक्रमाचा उद्देश आत्महत्या प्रतिबंधाबाबत जनजागृती करणे, मानसिक आरोग्याशी संबंधित समस्यांभोवती असलेला सामाजिक कलंक दूर करणे तसेच मानसिक अडचणींच्या काळात वेळेवर मदत घेणे आणि आवश्यक ते सहकार्य मिळवणे हा होता.
डॉ. आशिष यावले यांनी मानसिक आरोग्यविषयक जनजागृती, आत्महत्या प्रतिबंध, भावनिक तणावाची लक्षणे ओळखणे तसेच मानसिक अडचणींचा सामना करणार्या व्यक्तींशी संवेदनशील व आधार देणारा संवाद कसा साधावा याबाबत मार्गदर्शन केले.कार्यक्रमात विद्यार्थ्यांनी उत्स्फूर्त सहभाग नोंदवत विविध विषयांवर संवादात्मक चर्चा करत शंका निरसन करून घेतले. मानसिक आरोग्याच्या समस्या लवकर ओळखणे, योग्य वेळी व्यावसायिक मदत घेणे आणि गरजू व्यक्तीला भावनिक आधार देणे यामध्ये परिचारिकांची महत्त्वपूर्ण भूमिका असल्याचे प्राचार्य गणविर यांनी सांगितले. कार्यक्रम मानसिक आरोग्य परिचर्या विभागातील प्रमुख प्रा. अश्विनी वैद्य यांच्या मार्गदर्शनानुसार विभागातील प्राध्यापक व शिक्षकवर्गाच्या सहकार्याने यशस्वीपणे संपन्न झाला.
मानसिक आरोग्याबाबत खुलेपणाने संवाद साधणे, गरजू व्यक्तीचे म्हणणे समजून घेणे आणि योग्य वेळी मदतीचा हात पुढे करणे हे आत्महत्या प्रतिबंधाच्या दिशेने महत्त्वाचे पाऊल असल्याचा संदेश या कार्यक्रमातून देण्यात आला. गोदावरी कॉलेज ऑफ नर्सिंग व डॉ. उल्हास पाटील हॉस्पिटल अँड मेडिकल कॉलेज यांच्या वतीने मानसिक आरोग्य संवर्धन व आत्महत्या प्रतिबंधासाठी जनजागृती करण्याच्या बांधिलकीचे या उपक्रमातून दर्शन घडले.
