भुसावळ–लोहार बसमध्ये प्रवास करताना १५ ग्रॅम वजनाची, ४५ हजार रुपये किमतीची सोन्याची पोत लंपास
पोलिस नोंदीनुसार, ९ सप्टेंबर २०२६ रोजी दुपारी सुमारे ३.१० वाजता फिर्यादी विजय वामन पाटील (वय ४७, व्यवसाय – शेती, रा. शिवाजी नगर, जामनेर, मूळ रा. सोनाळा, ता. जामनेर, जि. जळगाव) हे भुसावळ ते लोहार बसने प्रवास करीत होते. त्यावेळी जामनेर बसस्थानकात बस थांबलेली असताना अज्ञात चोरट्याने त्यांच्या आई सुशीलाबाई वामन पाटील यांच्या गळ्यातील सोन्याची पोत लबाडीच्या इराद्याने चोरून नेल्याचे तक्रारीत नमूद आहे.
चोरीस गेलेल्या सोन्याच्या पोतीचे वजन १५ ग्रॅम असून तिची अंदाजे किंमत ४५ हजार रुपये आहे. घटना लक्षात आल्यानंतर फिर्यादीने पोलिसांत तक्रार दाखल केली. त्यावरून जामनेर पोलिस ठाण्यात गुन्हा रजिस्टर क्रमांक ४३४/२०२६ दाखल करण्यात आला आहे.
सीसीटीव्ही व तांत्रिक तपासातून चोरट्याचा शोध
घटना बसस्थानक परिसरात घडल्याने पोलिसांकडून परिसरातील सीसीटीव्ही फुटेज तसेच उपलब्ध माहितीच्या आधारे अज्ञात चोरट्याचा शोध घेतला जात आहे. मात्र पोलिस नोंदीनुसार अद्याप आरोपीला अटक करण्यात आलेली नाही.
या प्रकरणाचा तपास पोहेकॉ/९७१ प्रतापसिंग मथुरे, जामनेर पोलिस ठाणे, करीत आहेत. पुढील तपास सुरू आहे.
