महावीर नगर परिसरातील घटना; आरोपीविरुद्ध गुन्हा दाखल
जळगाव ( प्रतिनिधी ) – सिगारेटच्या पैशांवरून झालेल्या किरकोळ वादातून दुकानदाराला चाकूचा धाक दाखवत जीवे मारण्याची धमकी दिल्याची घटना जळगाव शहरात घडली आहे. याप्रकरणी जळगाव शहर पोलीस ठाण्यात एका व्यक्तीविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, सौ. शगुफ्ता अन्सार पटेल (वय ४४, रा. मकार टॉवर, महावीर नगर, जळगाव) यांनी याबाबत फिर्याद दिली आहे. २० मे २०२६ रोजी रात्री सुमारे ९ वाजेच्या सुमारास त्यांच्या घरासमोरील दुकानात ही घटना घडली.
फिर्यादीनुसार, आरोपी गोटू चंदाले (पूर्ण नाव माहिती नाही, रा. भारत नगर, जळगाव) याने दुकानातून सिगारेट घेतली होती. त्यानंतर सिगारेटचे पैसे मागितल्याचा राग मनात धरून आरोपीने फिर्यादीला शिवीगाळ केली. तसेच चाकूचा धाक दाखवत जीवे मारण्याची धमकी दिली.
या प्रकरणी जळगाव शहर पोलीस ठाण्यात CCTNS पनाका क्रमांक २३१/२०२६ अन्वये भारतीय न्याय संहितेच्या कलम ३५१(२) आणि ३५२ प्रमाणे गुन्हा दाखल करण्यात आला आहे. पुढील तपास पोहेकॉ प्रदीप पाटील करीत असून अद्याप आरोपीला अटक करण्यात आलेली नाही.
