धडक दिल्यानंतर दुचाकीस्वार पसार; एमआयडीसी पोलिसात गुन्हा दाखल
जळगाव (प्रतिनिधी):- रस्त्याच्या परिस्थितीकडे दुर्लक्ष करत भरधाव वेगाने जाणाऱ्या दुचाकीने रस्त्याने जाणाऱ्या महिलेला जोरदार धडक दिल्याची घटना सुप्रीम कॉलनी रिक्षा स्टॉपसमोर घडली. या अपघातात फहमिदा शेख या गंभीर जखमी झाल्या.
ही घटना २ मे रोजी घडली असून (एमएच १९ ईके ०५०८) क्रमांकाच्या दुचाकीस्वाराने धडक दिल्यानंतर मदत न करता घटनास्थळावरून पळ काढला. याप्रकरणी एमआयडीसी पोलीस ठाण्यात संबंधित दुचाकीस्वाराविरुद्ध गुन्हा दाखल करण्यात आला आहे.
