जळगाव एलसीबीची कामगिरी
जळगाव प्रतिनिधी : शहरातील सुभाष चौकातील नामांकित ‘रतनलाल सी. बाफना ज्वेलर्स’मध्ये ग्राहकाच्या बहाण्याने येऊन सोन्याची चैन चोरणाऱ्या सराईत आंतरराज्यीय गुन्हेगाराला स्थानिक गुन्हे शाखेने तेलंगणा राज्यातून अटक केली आहे. अटक टाळण्यासाठी आरोपीने चोरीच्या सोन्याची लगड तयार केली होती, जी पोलिसांनी हस्तगत केली आहे.
९ जानेवारी २०२६ रोजी एका अज्ञात व्यक्तीने ‘रतनलाल सी. बाफना ज्वेलर्स’ (नयनतारा अँड सन्स) येथे सोन्याची साखळी खरेदी करण्याच्या बहाण्याने प्रवेश केला होता. सेल्समनला बोलण्यात गुंतवून त्याने १९.३५० ग्रॅम वजनाची आणि सुमारे २,४९,६१५ रुपये किमतीची सोन्याची चैन चोरून नेली होती. याप्रकरणी शनिपेठ पोलीस ठाण्यात गुन्हा दाखल करण्यात आला होता. पोलीस अधीक्षक महेश्वर रेड्डी यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक राहुल गायकवाड व त्यांच्या पथकाने सीसीटीव्ही फुटेज आणि तांत्रिक विश्लेषणाच्या आधारे तपास चक्र फिरवले.
संशयित आरोपी तेलंगणा राज्यातील सायबरबाद भागात असल्याची माहिती मिळाल्यानंतर, पथकाने तेथे जाऊन भास्कर किसन बानोथ (वय २२, रा. यदाद्री भुवनागिरी, तेलंगणा) याला ताब्यात घेतले. पोलिसी खाक्या दाखवताच आरोपीने गुन्हा कबूल केला. ओळख पटू नये यासाठी त्याने चोरलेली साखळी वितळवून त्याची सोन्याची लगड तयार केली होती. पोलिसांनी त्याच्याकडून ही लगड हस्तगत केली असून, गुन्ह्यातील १०० टक्के मुद्देमाल जप्त करण्यात यश आले आहे.
स्थानिक गुन्हे शाखेने आरोपीला पुढील कारवाईसाठी शनिपेठ पोलिसांच्या स्वाधीन केले आहे. पोलीस निरीक्षक कावेरी कमलाकर यांच्या मार्गदर्शनाखाली पोलीस उपनिरीक्षक योगेश ढिकले व पथक या प्रकरणाचा अधिक तपास करत आहेत. या कारवाईत वरिष्ठ पोलीस निरीक्षक राहुल गायकवाड, पोलीस उपनिरीक्षक जितेंद्र वल्टे, प्रवीण भालेराव, मुरलीधर धनगर, सिद्धेश्वर डापकर आणि महेश सोमवंशी यांनी महत्त्वाची भू
