भुसावळ तालुक्यातील बोहर्डी येथील घटना
भुसावळ ( प्रतिनिधी ) – तालुक्यातील बोहर्डी बु।। गावात राहणाऱ्या २० वर्षीय तरुणाने गळफास लावून आत्महत्या केल्याची दुर्दैवी घटना सोमवार दि.१५ सप्टेंबर रोजी पहाटे उघडकीस आली. वरणगाव पोलीस स्टेशनला अकस्मात मृत्यूची नोंद करण्यात आली आहे.
देवानंद गजानन गोपाळ (वय २०) असे आत्महत्या केलेल्या तरुणाचे नाव आहे. ही घटना दि.१५ सप्टेंबर रोजी सकाळी सुमारे ४ वाजता घडली. घटनेची माहिती मिळताच कुटुंबातील सदस्य रमेश रायसिंग गोपाळ (वय ६५) यांनी वरणगाव पोलीस ठाण्यात धाव घेऊन खबर दिली. खबर मिळताच सपोनि अमितकुमार बागुल यांच्या मार्गदर्शनाखाली हेकाँ यासिन पिंजारी आणि इतर कर्मचारी घटनास्थळी दाखल झाले. त्यांनी घटनास्थळी पंचनामा करून मृतदेह वरणगाव ग्रामीण रुग्णालयात शवविच्छेदनासाठी रवाना केला. या प्रकरणी वरणगाव पोलीस ठाण्यात अकस्मात मृत्यूची नोंद करण्यात आली असून, आत्महत्येचे नेमके कारण अद्याप स्पष्ट झालेले नाही. पोलीस पुढील तपास करत आहेत. या घटनेमुळे बोहर्डी गावात हळहळ व्यक्त केली जात असून शोककळा पसरली आहे.
