जळगावच्या रेल्वे स्टेशन परिसरात हॉटेलमध्ये घडली घटना
जळगाव (प्रतिनिधी) – शहरातील रेल्वे स्टेशन परिसरात असलेल्या एका हॉटेलमध्ये सुरत येथील ३५ वर्षीय तरुणीवर लग्नाचे आमिष दाखवून बुलडाणा जिल्ह्यातील मेहकर तालुक्यातील तरुणाने फूस लावून बलात्कार केल्याची घटना उघडकीस आली आहे. जळगाव शहर पोलीस स्टेशनला तरुणीच्या फिर्यादीवरून गुन्हा दाखल करण्यात आला आहे.
सुरत येथे नोकरी करून ३५ वर्षीय तरुणी उदरनिर्वाह करीत आहे. तिला बुलढाणा जिल्ह्यातील मेहकर तालुक्यात राहणाऱ्या संशयित आरोपी विनोद शिवराम कुसळकर (वय ३५) याने दि. १८ मे रोजी दुपारी साडेचार ते साडेपाच वाजेदरम्यान जळगावात रेल्वे स्टेशनजवळ असणाऱ्या एका हॉटेलमध्ये नेले.(केसीएन)तेथे लग्नाचे आमिष दाखवून तिच्याशी बळजबरीने शारीरिक संबंध प्रस्थापित केले. म्हणून तरुणीने दि. १ जून रोजी रात्री ११. ४२ वाजता फिर्याद दिली. त्यानुसार जळगाव शहर पोलीस स्टेशनला गुन्हा दाखल करण्यात आला आहे. तरुणाला अटक करणे बाकी असून पोलीस पुढील तपास करीत आहेत.
