जळगाव ( प्रतिनिधी ) – तालुक्यातील नशिराबाद येथील पंढरपूर नगरातून अल्पवयीन मुलाला अज्ञात व्यक्तीने फूस लावून पळवून नेल्याची घटना घडली आहे, याबाबत मंगळवारी नशिराबाद पोलीस स्टेशनला अज्ञात व्यक्तीविरोधात गुन्हा दाखल करण्यात आला.
याबाबत सविस्तर माहिती अशी की, नशिराबाद शहरातील पंढरपूर नगरात १४ वर्षे अल्पवयीन मुलगा हा आपल्या कुटुंबीयांसह राहायला आहे. १३ ऑक्टोबर रोजी सायंकाळी ५ वाजता अज्ञात व्यक्तीने फुस लावून पळवून नेले. दरम्यान मुलाच्या नातेवाईकांनी सर्वत्र त्याचा शोध घेतला, परंतु तो कुठेही मिळून आला नाही, अखेर मंगळवार २५ ऑक्टोबर रोजी सायंकाळी ६ वाजता नशिराबाद पोलीस स्टेशनला तक्रार दिली. याबाबत नशिराबाद पोलीस स्टेशनला अज्ञात व्यक्ती विरोधात गुन्हा दाखल करण्यात आला आहे. पुढील तपास पोलीस उपनिरीक्षक राजेंद्र साळुंखे करीत आहे.