जळगाव ( प्रतिनिधी ) – येथील नारीशक्ती संस्थेतर्फे कर्तृत्ववान महिलांचा सन्मान नुकताच करण्यात आला.
या प्रसंगी प्रमुख अतिथी महापौर जयश्री महाजन, अप्पर पोलीस अधीक्षक चंद्रकांत गवळी , रोटरी वेस्टचे वीरेंद्र छाजेड, रोटरियन पूजा अग्रवाल, आशा मौर्य, सेवाधर्म संस्था अध्यक्ष चंद्रशेखर नेवे, नारीशक्ती बहुद्देशीय संस्था अध्यक्ष मनिषा पाटील उपस्थित होत्या . याप्रसंगी कठीण परिस्थितीत उत्कृष्ट कार्य करणाऱ्या महिलांचा सन्मान करण्यात आला. डॉ नीलिमा सेठिया, दिव्यांग सविता साळुंखे, निस्वार्थ वृत्तीने मोफत योगवर्ग घेणाऱ्या महानंदा पाटील, नेहा जगताप, आशा निंबाळकर, बेबीताई चांदेलकर, मीना कोळी, सुश्मिता भालेराव, रेखा महाजन, ज्योती घोडके, आशा जगताप, सुरेखा जंजाळकर यांचा सन्मान मान्यवरांच्या हस्ते करण्यात आला. यात पिंक रिक्षा चालक, पेट्रोल पंपवर काम करणाऱ्या, धुणे भांडी करून मुलाला डॉक्टर बनविणाऱ्या महिलांचा समावेश होता.
या प्रसंगी महापौर जयश्री महाजन व अप्पर पोलीस अधीक्षक चंद्रकांत गवळी यांनी मनोगत व्यक्त केले काही भगिनींना कष्टाचे मोल पहिल्यांदाच या पुरस्काराच्या स्वरूपात मिळाल्याने आनंदाश्रू आवरत नव्हते नारीशक्ती बहुद्देशीय संस्था सदस्य नूतन तासखेडकर , किमया पाटील, भारती कापडणे, रेणुका हींगु, माधुरी शिंपी यांचे सहकार्य लाभले. चंद्रशेखर नेवे व आशा मौर्य यांचे सहकार्य लाभले. सूत्रसंचलन ज्योती राणे यांनी केले व आभार ॲड सीमा जाधव यांनी व्यक्त केले.
