राज्यातील जिल्हा परिषदांच्या अध्यक्ष पदांचे आरक्षण जाहीर

मुंबई (वृत्तसंस्था ) – आगामी जिल्हा परिषद गटांसाठीचे आरक्षण जाहीर करण्यात आले आहे. यात राज्यातील ३४ नगरपालिकांचा समावेश आहे.

स्थानिक स्वराज्य संस्थांच्या निवडणुका नेमक्या केव्हा होणार याबात संभ्रमाचे वातावरण आहे. कारण प्रभाग रचनांवरून सुप्रीम कोर्टात याचिका प्रलंबीत असून यासोबत ओबीसी आरक्षणाचा तिढा देखील सुटलेला नाही. यामुळे निवडणुका दिवाळीनंतरच होणार असल्याचे आता स्पष्ट झाले आहे. अर्थात, निवडणुकांबाबत संभ्रम असला तरी निवडणूक आयोगाने निवडणुकांची जय्यत तयारी केल्याचे दिसून येत आहे. या अनुषंगाने जिल्हा परिषदांच्या अध्यक्षपदासाठीचे आरक्षण जाहीर करण्यात आले आहे.

राज्य निवडणूक आयोगाने राज्यामधील ३४ जि.प. अध्यक्षपदांचे आरक्षण जाहीर केले आहे. दरम्यान, यातील धुळे, नंदुरबार, पालघर, नागपूर, अकोला, वाशीम आदींसह नऊ जिल्हा परिषदांची मुदत अद्याप संपलेली नाही. तर सध्या २५ जिल्हा परिषदांवर प्रशासक राज सुरू आहे. मुदत संपलेल्या आणि न संपलेल्या या दोन्ही वर्गवारीतील अध्यक्षपदांचे आरक्षण जाहीर करण्यात आले आहे. यात निवडणुका होऊ घातलेल्या २५ जिल्हा परिषदांच्या अध्यक्षपदाचे आरक्षण हे जाहीर झाले आहे. या अनुषंगाने ग्रामविकास खात्याने राजपत्रात अधिकृत घोषणा देखील करण्यात आली आहे. या घोषणेनुसार, राज्यातील ३४ नगरपालिकांचे आरक्षण हे खालीलप्रमाणे असणार आहे.

१ ) ठाणे
सर्वसाधारण

२ ) पालघर
अनुसूचित जमाती

३ ) रायगड
सर्वसाधारण

४ ) रत्नागिरी
नागरीकांचा मागास प्रवर्ग (महिला)

५ ) सिंधुदुर्ग
सर्वसाधारण

६ ) नाशिक
सर्वसाधारण (महिला)

७ ) धुळे
सर्वसाधारण (महिला)

८ ) जळगांव
सर्वसाधारण

९ ) अहमदनगर
अनुसूचित जमाती

१० ) पुणे
सर्वसाधारण

११ ) सातारा
नागरीकांचा मागास प्रवर्ग (महिला)

१२ ) सांगली
सर्वसाधारण (महिला)