यावल शहरातील घटना
यावल (प्रतिनिधी) : शहरात राहणाऱ्या तरुणाने सार्वजनिक वाचनालयाच्या शेजारी पिंपळाच्या झाडाला गळफास घेऊन आत्महत्या केल्याची धक्कादायक घटना गुरुवारी मध्यरात्री घडली आहे. याप्रकरणी यावल पोलीस स्टेशनला अकस्मात मृत्यूची नोंद करण्यात आली आहे.
किरण गरबड सपकाळे (वय २२, श्रीराम नगर, जि. प. मराठी शाळेच्या मागे, यावल) असे मयत तरुणाचे नाव आहे. या तरुणाने दि. ११ सप्टेंबरच्या मध्यरात्री यावल शहरातील सार्वजनिक वाचनालयाच्या शेजारी पिपंळाच्या झाडाला गळफास घेऊन आत्महत्या केली. त्याला ग्रामीण रुग्णालयात नेण्यात आले. तेथे वैद्यकीय अधिकाऱ्यांनी मयत घोषित केलॆ.
मयताची आई सकुबाई सपकाळे (वय ६०) यांनी यावल पोलिसांत खबर दिल्याने अकस्मात मृत्यूची नोंद करण्यात आली आहे. मयत किरणने आत्महत्या का केली, हे समजू शकले नाही. तरुणाच्या मृत्युमुळे खळबळ उडाली आहे.
