भडगाव (प्रतिनिधी) – भडगाव तालुक्यातील विवाहितेचा विनयभंग केल्याचा प्रकार समोर आला आहे. तसचे विवाहितेच्या पती व जेठ यांनी धमकी व शिवीगाळ करण्यात आली. याप्रकरणी एकावर भडगाव पोलीस स्टेशनला गुन्हा दाखल करण्यात आला आहे.
याबाबत सविस्तर वृत्त असे की, भडगाव तालुक्यातील एका गावात ३७ वर्षीय विवाहिता आपल्या पती, सासू व सासऱ्यांसोबत राहायला आहे. सोमवारी ५ डिसेंबर रोजी रात्री ८ वाजता विवाहिता सासू व सासऱ्यांचा जेवणाचा डबा देण्यासाठी जात असतांना गावातील समाधान संजय महाजन याने विवाहितेचा रस्ता आडवून अश्लील बोलून तिचा विनयभंग केला. दरम्यान हा प्रकार घडल्यानंतर विवाहितेचा पती आणि चुलत जेठ यांनी समजाविण्याचा प्रयत्न केला असता त्यांना शिवीगाळ करून मारण्याची धमकी दिली. याबाबत विवाहितेने भडगाव पोलीस स्टेशनला दिलेल्या तक्रारीवरून संशयित आरोपी समाधान संजय महाजन याच्या विरोधात भडगाव पोलीस स्टेशनला गुन्हा दाखल करण्यात आला आहे. पुढील तपास महिला पोहेकॉ पंचशिला निकम करीत आहे.
