धरणगाव तालुक्यातील झुरखेडा येथील घटना
जळगाव (प्रतिनिधी) : धरणगाव तालुक्यातील झुरखेडा येथे राहत्या घरी एका महिलेने विषारी औषध घेऊन आत्महत्या करण्याचा प्रयत्न केला होता. उपचारादरम्यान जळगाव येथे शासकीय रुग्णालयात त्यांचा मृत्यू झाला आहे. याप्रकरणी शनिपेठ पोलीस स्टेशनला अकस्मात मृत्यूची नोंद करण्यात आली आहे.
उर्मिला छोटू पाटील (वय ४१, रा. झुरखेडा ता. धरणगाव) असे मयत महिलेचे नाव आहे. त्या झुरखेडा येथे पती, १ मुलगा, १ मुलगी यांच्यासह राहत होत्या. शेतीकाम करून उर्मिला व त्यांचे पती छोटू पाटील हे उदरनिर्वाह करीत आहेत. (केसीएन)दरम्यान, गुरुवारी दि. २५ जुलै राहत्या घरी उर्मिला पाटील यांनी विषारी औषध घेऊन आत्महत्या करण्याचा प्रयत्न केला. कुटुंबियांना लक्षात येताच त्यांनी उर्मिला याना शासकीय वैद्यकीय महाविद्यालय व रुग्णालयात उपचारासाठी दाखल केले होते.
त्यांच्यावर उपचार सुरु असताना दोन दिवसांनी त्यांचा शनिवारी दि. २७ जुलै रोजी मध्यरात्री सव्वा बारा वाजता मृत्यू झाला आहे. यावेळी कुटुंबीयांनी एकच आक्रोश केला. यावेळी शनिपेठ पोलीस स्टेशनला अकस्मात मृत्यूची नोंद करण्यात आली आहे. दरम्यान, झुरखेडा गावात शोककळा पसरली आहे.
