जळगाव तालुक्यातील म्हसावद येथील घटना
जळगाव (प्रतिनिधी) :- तालुक्यातील म्हसावद येथील ५८ वर्षीय व्यक्तीने विषारी औषध घेतल्याने त्यांच्या उपचारादरम्यान शुक्रवारी दि. ४ जुलै रोजी सायंकाळी साडेसात वाजता मृत्यू झाला. या संदर्भात एमआयडीसी पोलीस ठाण्यात अकस्मात मृत्यूची नोंद करण्यात आली.
बळवंत युधिष्ठिर भट (वय ५८ रा. म्हसावद ता.जि. जळगाव) असे मयत व्यक्तीचे नाव आहे. म्हसावद गावात बळवंत भट हे व्यक्ती आपल्या कुटुंबासह वास्तव्याला होते. दि. १ जुलै रोजी त्यांनी राहत्या घरी काहीतरी विषारी औषध सेवन केले. दरम्यान त्यांची ही प्रकृती खालावली, त्यामुळे त्यांना जळगाव येथील शासकीय वैद्यकीय महाविद्यालय उपचारासाठी दाखल करण्यात आले. त्यांच्यावर उपचार सुरू असताना शुक्रवारी दि. ४ जुलै रोजी सायंकाळी साडेसात वाजता उपचारादरम्यान त्यांचा मृत्यू झाला. या घटनेसंदर्भात एमआयडीसी पोलीस ठाण्यात अकस्मात मृत्यूची नोंद करण्यात आली. या घटनेचा पुढील तपास सहायक फौजदार दत्तात्रय बडगुजर करीत आहे.
