भुसावळ शहरातील घटना
भुसावळ (प्रतिनिधी) : शहरातील एका वकिलांच्या घरी चोरटयांनी धाडसी घरफोडी करून दुचाकीसह ९३ हजारांचा मुद्देमाल लांबविला. याप्रकरणी बाजारपेठ पोलीस स्टेशनला गुन्हा दाखल करण्यात आला आहे.
खडका चौफुलीजवळील रेणुका माता मंदिराजवळील रहिवासी अॅड. श्याम श्रीगोंदेकर यांचे बंद घर चोरट्यांनी दि. ५ ते ७ सप्टेंबर या काळात फोडून घरातील मोटारसायकल, टीव्ही तसेच चांदीचे नाणे व घड्याळ मिळून सुमारे ९३ हजार ५०० रुपयांचा मुद्देमाल लांबविला. अॅड. श्रीगोंदेकर हे नाशिक येथे गेले असताना त्यांच्या बंद घरात घरफोडी केली. याप्रकरणी सोमवारी येथील बाजारपेठ पोलिसांत अॅड. श्रीगोंदेकर यांनी दिलेल्या फिर्यादीवरून अज्ञात चोरट्यांविरुद्ध चोरीचा गुन्हा दाखल करण्यात आला.. तपास पोलिस निरीक्षक राहुल वाघ यांच्या मार्गदर्शनाखाली पोलिस हवालदार विजय नेरकर करीत आहेत.
