भडगाव शहरातील घटना, जिवंत जाळण्याची दिली धमकी
जळगाव (प्रतिनिधी) : भडगाव शहरात दुकान मालक आणि भाडेकरू यांच्यामध्ये वाद झाला. दुकान मालकाकडून भाडेकरूच्या सामानाची तोडफोड करण्यात आली. दुकानातील संगणक आणि इतर साहित्य बाहेर फेकण्यात आले. तसेच दुकानमालकच्या वडील व भावाला लाथाबुक्क्यानी मारहाण करण्यात येऊन जिवंत जाळण्याची धमकी देण्यात आली. याप्रकरणी भडगाव पोलीस स्टेशनला गुन्हा दाखल करण्यात आला आहे.
महेंद्र रवींद्र अहिरराव (वय ३७, रा. भडगाव) यांनी फिर्याद दिली आहे. त्यांचा भडगाव येथे बढेसर कॉम्प्लेक्स मध्ये संगणक विषयक व्यवसाय आहे. सन २०११ पासूनचा सदरचा गाळा त्यांनी सुनंदाबाई पांडुरंग पाटील यांच्याकडून भाड्याने घेतला आहे. हा गाळा खाली करण्याच्या धमक्या सुनंदाबाई यांच्याकडून फिर्यादीला मिळत होत्या.(केसीएन)त्यानुसार दिवाणी कोर्टात दि. २९ मार्च २०२५ रोजी दावा दाखल करण्यात आला आहे. मंगळवारी दि. १ एप्रिल रोजी सकाळी साडे दहा वाजता सुमारास फिर्यादी महेंद्र अहिरराव, त्यांचे वडील रवींद्र अहिरराव आणि दुकानातील व्यक्ती अजय महाजन, भाऊ विजय अहिरराव असे दुकानात बसले होते.
त्यावेळेला संशयित आरोपी विनोद पांडुरंग पाटील, अजबराव महादू पाटील, छोटू महादू पाटील, प्रशांत पांडुरंग पाटील, रवी पाटील असे दुकानात आले. त्यांनी फिर्यादी व त्यांच्या वडिलांना उद्देशून शिवीगाळ करीत दुकानातील कॉम्प्युटर व इतर वस्तू बळजबरीने बाहेर फेकून नुकसान केले. तसेच गल्ल्यातील व्यापाऱ्यांना देण्यासाठी आणलेल्या रोकडपैकी २ लाख रुपये काढून घेतले.(केसीएन)फिर्यादीचे वडील त्यांना समजावण्यासाठी गेले असता वडील रवींद्र अहिरराव आणि भाऊ विजय अहिरराव यांना लाथाबुक्क्यांनी मारहाण करण्यात आली. संशयित विनोद पाटील, अजबराव पाटील, छोटू पाटील यांनी फिर्यादीच्या शर्टाचे कॉलर धरून चष्मा तोडला. तुम्हा एकेकाला जिवंत जाळू अशी धमकी विनोद पाटील यांनी दिली आहे. याबाबत भडगाव पोलीस स्टेशन येथे सर्व पाचही संशयित आरोपींविरोधात गुन्हा दाखल करण्यात आला आहे. याबाबत भडगाव पोलीस स्टेशनचे कर्मचारी पुढील तपास करीत आहेत.
