जळगाव ( प्रतिनिधी ) – भरधाव दुचाकी ट्रकवर आदळल्याने ३६ वर्षीय तरूणाचा जागीच मृत्यू झाल्याची घटना घडली होती. या अपघाताचा एमआयडीसी पोलीस ठाण्यात दुचाकीधारकावर गुन्हा दाखल करण्यात आला आहे प्रवीण पवार (वय ३६, रा.अयोध्या नगर) असे मयत तरूणाचे नाव आहे.
प्रवीण पवार हे आई, पत्नी, बहिण आणि मुलगा यांच्यासह अयोध्यानगरात वास्तव्याला होते सुप्रिम कॉलनीत मेडीकल चालवून उदरनिर्वाह करत होते. शुक्रवारी सायंकाळी ते मेडीकलवर (एमएच १९ डीएम ३८९८) ने जात असताना एमआयडीसीत वासुमित्रा हॉटेलजवळ थांबलेल्या ट्रक (एमएच १९ झेड ८७२) वर दुचाकी आदळली. अपघातात प्रविण पाटील यांच्या डोक्याला गंभीर दुखापत झाली. एमआयडीसी पोलीस ठाण्याचे अमलदार मुदस्सर काझी यांनी प्रवीण यांना शासकीय वैद्यकिय महाविद्यालय व रुग्णालयात दाखल केले. नातेवाईकांनी त्यांना तेथून खासगी रुग्णालयात दाखल केले असता डॉक्टरांनी मयत घोषीत केले होते. अपघात होताच नातेवाईकांनी जिल्हा शासकीय वैद्यकीय महाविद्यात आक्रोश केला होता. या अपघाताचा शनीवारीरात्री पोलीस नाईक मुदस्सर काझी यांच्या फिर्यादीवरून मयत दुचाकीधारकावर गुन्हा दाखल करण्यात आला पुढील तपास पोलीस उपनिरीक्षक निलेश गोसावी करीत आहेत.
