रावेर तालुक्यातील विवरे येथील घटना
चंद्रकांत कोळी
रावेर (प्रतिनिधी) : तालुक्यातील विवरे येथील खिर्डी रोडवरील विवरे शेत शिवारात महावितरणच्या टॉवरवर थेट ५० फूट उंच चढून एका २५ वर्षीय तरुणाने गळफास लावून घेत आत्महत्या केल्याची धक्कादायक घटना मंगळवारी दि. १० सप्टेंबर रोजी दुपारी उघडकीस आली आहे. मृतदेह खाली काढण्यासाठी पोलिसांची दमछाक झाली. ८ तासांनी मृतदेह खाली उतरवून तो रुग्णालयात नेण्यात आला. निंभोरा पोलीस स्टेशनला अकस्मात मृत्यूची नोंद करण्यात आली आहे.
ब्रिजेश कुमार काटकु बायगा (वय २५ रा. भरतपुर, जिल्हा कोरिया, छतीसगढ) असे मयत तरुणाचे नाव आहे. त्याच्या पश्चात परिवार आहे. तो रावेर तालुक्यात नेमका कशासाठी आला होता हे समजू शकले नाही. (केसीएन) मंगळवारी ब्रिजेशकुमार हा तालुक्यातील विवरे खिर्डी रस्त्यावरील संतोष देवचंद तेली यांच्या शेतातून गेलेल्या महावितरणच्या पावरग्रिटच्या अत्तीउच्च विद्युत क्षमतेच्या मोठ्या टावरवर सुमारे ५० फुटवरती चढला. कापडच्या सहाय्याने गळफास घेवून आत्महात्या केल्याची घटना घडली आहे. गावात ही घटना वाऱ्यासारखी पसरली.
ब्रिजेश कुमार याची पँट व टोपी त्या ठिकाणी आढळून आली. त्याची पँटमधुन पॅन कार्ड आढळून आल्याने त्यावरून पोलीस प्रशासनाने त्याचे नातेवाईकांशी संपर्क केला. त्यावरून त्याची ओळख पटली. (केसीएन)ब्रिजेश याला पावर ग्रिटच्या अकोला पथकाच्या सहकार्यने खाली उतरविण्यात आले असुन रावेर ग्रामीण रुग्णालयात शवविच्छेदन करण्यात आले. निंभोरा पोलीस स्टेशनला पोलीस पाटील रितेश चौधरी यांनी दिलेल्या खबरीवरून अकस्मात मृत्यूची नोंद करण्यात आली आहे. पुढील तपास सपोनि हरीदास बोचरे यांच्या मार्गदर्शनाखाली अविनाश पाटील हे करीत आहे.
