जळगाव (प्रतिनिधी) ;- रेल्वेचे आरक्षित तिकीट देण्याचा कुठलाही परवाना नसतांना रेल्वेच्या तिकिटांचा गोरखधंदा करणाऱ्या
खान्देश कॉम्प्लेक्समधील महालक्ष्मी टूर्स अॅण्ड ट्रॅव्हल्स या दुकानावर बुधवारी रेल्वे सुरक्षा बलासह भरारी पथकाने छापा टाकला होता. कारवाईत पथकाने ६ हजार ७३३ रुपयांचे तिकिटे जप्त करून महालक्ष्मी टूर्स अॅण्ड ट्रव्हलचा मालक संजय चौधरी वय ५३ याला अटक केली होती. त्याला रेल्वेच्या न्यायालयात हजर केले असता एका दिवसांची पोलीस कोठडी सुनावण्यात आली आहे.
यांनी केली कारवाई
भुसावळच्या वाणिज्य विभागाचे प्रमुख सीनियर डीसीएम तथा आरपीएफ विभागाचे प्रमुख सीनियर डीएससी यांच्या मार्गदर्शनानुसार भुसावळच्या रेल्वे वाणिज्य विभागाचे एटीएस पथकातील मुख्य तिकिट निरिक्षक हेमंत सावकारे, मुख्य तिकिट निरिक्षक ए. एस. राजपूत, उपमुख्य तिकिट निरिक्षक प्रशांत ठाकूर व जळगावचे रेल्वे सुरक्षा बलाचे पोलीस निरिक्षक सी एस पटेल यांच्या पथकाने ही कारवाई केली आहे.
