अमळनेर तालुक्यातील अमळगाव येथील घटना
अमळनेर (प्रतिनिधी) :- तालुक्यातील अमळगाव येथील ३० वर्षीय युवकाने पिळोदा शिवारातील विहिरीत उडी घेऊन आत्महत्या केल्याची घटना दिनांक २३ रोजी सकाळी १२ वाजेच्या सुमारास घडली. अमळनेर तालुक्यातील पोलीस स्टेशनला अकस्मात मृत्यूची नोंद करण्यात आली आहे.
सतीश युवराज कोळी (वय ३०, रा.अमळगाव) असे मृत तरुणाचे नाव आहे. त्याने पिळोदा शिवारातील प्रेमराज वामन चव्हाण यांच्या शेतातील विहिरीत उडी मारली. ग्रामस्थ निखिल चंद्रशेखर महाले याने ही घटना सतीशचा भाऊ समाधान याला सांगितले. त्याचे शव ग्रामीण रुग्णालयात विच्छेदनसाठी नेण्यात आले. अमळनेर पोलीस स्टेशनला अकस्मात मृत्यूचा गुन्हा नोंदविण्यात आला असून तपास हेडकॉन्स्टेबल सुनील पाटील करीत आहेत.
