चोपडा तालुक्यातील वैजापूर येथील घटना, ११ जणांना अटक
चोपडा (प्रतिनिधी) :- जुन्या वादातून जमावाने केलेल्या बेदम मारहाणीत एका ३६ वर्षीय तरुणाचा मृत्यू झाला आहे. या प्रकरणी चोपडा ग्रामीण पोलिसात ११ जणांविरुद्ध खुनाचा गुन्हा दाखल करण्यात आला आहे. या घटनेमुळे जिल्हाभरात खळबळ उडाली आहे.
सुरेश ओंकार बारेला (वय ३६ वर्षे, रा. बडवाणी ता. चोपडा) असे मयत तरुणाचे नाव आहे. शिवा ओंकार बारेला (वय ३२ वर्षे,बडवाणी, (पाडा) पोस्ट बिडगांव, ता. चोपडा) यांनी फिर्याद दिली आहे. चोपडा ग्रामिण पोलीस येथे सदरील घटनेविरूद्ध गुन्हा दाखल करण्यात आला आहे. सुरेश ओंकार बारेला हा सुमारे २ ते ३ वर्षापासुन त्याची पत्नी आशाबाई व त्याची दोन मुले सचिन, रोहन अशांसह बडवाणी, (पाडा) पोस्ट बिडगांव, येथे राहण्यास आहे. त्यापुर्वी ते सुमारे १० ते १५ वर्ष कामानिमित्त वैजापुर, ता. चोपडा येथे राहत होते.(केसीएन) २ ते ३ वर्षापुर्वी मयत सुरेश हा वैजापुर येथे राहत असतांना तो महेंद्रा पिकअप गाडी चालवित होता. त्यावेळेस त्याचे गाडीमध्ये वैजापुर येथील १० मुलांना तो काहीतरी कामासाठी मध्यप्रदेश राज्यात घेवुन जात होता. तेव्हा त्याची पिकअप गाडी पलटी होवून अपघात झाला होता. त्यामध्ये सदर गाडीमधील ०४ मुलांचा मृत्यु झाला होता. तेव्हा त्याचेवर वरला पोलीस स्टेशन येथे गुन्हा दाखल झाला असून त्या प्रकरणात त्याचा सेंधवा कोर्टात खटला सुरु आहे.
दि. ०६ डिसेंबर रोजी सेंधवा येथे सुरेश याची कोर्टात तारीख असल्याने सकाळी ०९:०० वा. फिर्यादी शिवा व त्यांचा मोठा भाऊ सुरेश असे हे दोन्ही सुरेश याचे होंडा कंपनीची शाईन मोटार सायकल क्रमांक (एमएच १९ ईएल ६४३०) ने गेले होते. वैजापुर मार्गाने जात असताना ११:३० ते १२:०० वा.चे सुमारास ते वैजापुर येथे थांबले. वैजापुर गावात मेन चौकाचे बाजुला वैजापुर ते गेरूघाटी जाणारे डांबरी रोडवर गोटु रामचंद्र भिल याचे घरासमोर ते पाणी पीत होते. त्याठिकाणी हजर असलेला वैजापुर येथील सुरेश अंगल्या बारेला हा मयत सुरेशला म्हणाला की, मागील २ ते ३ वर्षापूर्वी मध्यप्रदेशात तुझ्या गाडीने आमचे लोक घेवुन जात असतांना मयत झाले आहेत.(केसीएन)तरीपण तु एवढा बिंदास आणि मजेत गावात फिरत आहेस असे म्हणुन त्याने सुरेशला, आज तुला जिवंत ठेवतच नाही असे बोलून त्याचेशी वाद घालु लागला. त्यानंतर थोड्याच वेळात त्याठिकाणी वैजापुर येथील अशोक पहाडु कोळी, केरया रिशा वारेला, प्रविण गंभीर बारेला, बबीताबाई शांतीलाल बारेला, रेशमा प्रविण बारेला, पालीबाई वेरसिंग बारेला, कुसम केरया बारेला, धरमसिंग सिध्दार्थ वारेला, विजय वेरसिंग बारेला, शर्मिला धरमसिंग बारेला हे देखीलआले.
वरील सर्वांनी मिळून सुरेशसोबत मागील घडलेल्या अपघाताचे कारणावरून वाद करून बेदम मारहाण करण्यास सुरूवात केली. तेवढ्यात केरया रिशा बारेला याने त्याचे हातात असलेले लाकडी दांडके सुरेशच्या डोक्यावर जोरात मारून त्याला खाली पाडले व लाकडी दांडक्याने दोन्ही बरगड्यावर मारहाण केली.(केसीएन) तेथे हजर असलेले सुरेश झगल्या बारेला, विजय वेरसिंग बारेला, धरमसिंग सिध्दार्थ बारेला, प्रविण गंभीर बारेला अशांनी सुरेश यास उचलुन डांबरी रोडवर पटकुन पटकुन मारहाण केली. तसेच तेथे हजर असलेल्या चबीताबाई शांतीलाल बारेला, रेशमा प्रविण बारेला, पालीबाई वेरसिंग बारेला, कुसम केरया बारेला, शर्मिला धरमसिंग वारेला अशांनी शिवीगाळ करून चापटा बुक्यांनी पोटात, छातीवर व चेहर्यावर मारहाण केली.
फिर्यादी शिवा बारेला यांनी, माझ्या भावाला मारहाण करू नका असे सांगणेसाठी गेलो असता त्यातील सुरेश बारेला व केरया बारेला यांनी तु मध्ये पडु नको, तुझे पण असे हाल करून मारू असे म्हणल्याने फिर्यादी त्यांना घाबरून तेथेच लपुन पाहत होता. त्यानंतर कोणीतरी पोलीसांना माहीती दिल्याने काही वेळात तेथे पोलीस आले. (केसीएन)त्यांनी व वैजापुर येथील काही लोकांनी मिळून त्याला चोपडा सरकारी हॉस्पिटल येथील वाहनाने उपचारासाठी पाठवुन दिले. परंतु त्याची तब्येत जास्त सिरीयस असल्याने तेथील डॉक्टरांनी त्याला पुढील उपचारसाठी जळगाव येथे घेवुन जात असतांना तो रस्त्यातच मरण पावला. म्हणुन शिवा ओंकार बारेला यांनी वरील सर्व संशयित आरोपींविरुद्ध कायदेशीररीत्या फिर्याद दाखल केली असून सदरील घटनेतील संशयित आरोपींना अटक करण्यात आली आहे.
