पहाटे घरातून अचानक निघून गेल्याने कुटुंबीयांची धावपळ; एमआयडीसी पोलिसांत गुन्हा दाखल
शिरसोली (प्रतिनिधी) : जळगाव तालुतून शिरसोली परिसरातून 14 वर्षीय अल्पवयीन मुलगी संशयास्पदरीत्या बेपत्ता झाल्याची घटना समोर आली आहे. याप्रकरणी एमआयडीसी पोलीस ठाण्यात अज्ञात व्यक्तीविरुद्ध अपहरणाचा गुन्हा दाखल करण्यात आला असून पोलिसांकडून मुलीचा शोध सुरू आहे.
पोलिसांनी दिलेल्या माहितीनुसार, शिरसोली येथून 14 वर्षीय अल्पवयीन मुलगी बेपत्ता झाली आहे. ही घटना दिनांक 19 मे 2026 रोजी पहाटे 3 वाजेच्या सुमारास उघडकीस आली. याबाबत मुलीचे वडील यांनी एमआयडीसी पोलीस ठाण्यात फिर्याद दिली आहे. फिर्यादीत म्हटले आहे की, त्यांची मुलगी ही राहत्या घरातून अचानक बेपत्ता झाली असून तिला कोणीतरी अज्ञात इसमाने फूस लावून पळवून नेल्याचा संशय व्यक्त करण्यात आला आहे.
या प्रकरणी एमआयडीसी पोलीस ठाण्यात गुन्हा क्रमांक 434/2024 अन्वये भारतीय न्याय संहिता कलम 137(2) प्रमाणे गुन्हा दाखल करण्यात आला आहे. घटनेचा पुढील तपास पोलीस अधिकारी राजेंद्र उगले करीत असून अद्याप कोणालाही अटक करण्यात आलेली नाही.
