जामनेर तालुक्यातील पाटखेडा शिवारातील घटना; ४,५०० रुपयांचे नुकसान
जामनेर ( प्रतिनिधी ) – जामनेर तालुक्यातील पाटखेडा शिवारातील शेतात बसविण्यात आलेल्या सोलर पंपाची सुमारे १०५ मीटर लांबीची तांब्याची वायर अज्ञात चोरट्यांनी चोरून नेल्याची घटना उघडकीस आली आहे. या प्रकरणी जामनेर पोलीस ठाण्यात अज्ञात चोरट्याविरुद्ध भारतीय न्याय संहितेच्या कलम ३०३(२) अन्वये गुन्हा दाखल करण्यात आला आहे.
पोलीसांनी दिलेल्या माहितीनुसार, पाटखेडा येथील शेतकरी जुलाल सुधाकर पाटील (वय ४८) यांच्या शेतातील सोलर पंपाला जोडलेली सुमारे १०५ मीटर तांब्याची वायर ९ जुलै रोजी सायंकाळी ६ ते १० जुलै रोजी सकाळी ८ वाजेदरम्यान अज्ञात चोरट्यांनी लंपास केली.
चोरीस गेलेल्या तांब्याच्या वायरची किंमत सुमारे ४,५०० रुपये असून, शेतकऱ्याचे आर्थिक नुकसान झाले आहे. घटनेची माहिती मिळताच शेतकऱ्याने जामनेर पोलीस ठाण्यात तक्रार दाखल केली.
या प्रकरणी अज्ञात चोरट्याविरुद्ध गुन्हा नोंदविण्यात आला असून, पुढील तपास पोलीस हवालदार राकेश वराडे करीत आहेत. वृत्त लिहिपर्यंत या प्रकरणात कोणालाही अटक करण्यात आलेली नव्हती.
