डॉ. उल्हास पाटील रुग्णालयातील बालरोग तज्ञांचे यश
जळगाव :- डॉ. उल्हास पाटील रुग्णालयातील तज्ज्ञ डॉक्टरांनी सात वर्षीय बालकाच्या गंभीर न्युमोनिया आजारावर यशस्वी उपचार करून त्याला नवजीवन दिले आहे. वेळेवर निदान आणि तातडीच्या उपचारांमुळे मुलाच्या प्रकृतीत लक्षणीय सुधारणा झाली असून, सध्या तो पूर्णपणे ठणठणीत आहे.
याबाबत माहिती अशी की, धामणगाव येथील जयेश सपकाळे या सात वर्षीय मुलाला काही दिवसांपासून तीव्र खोकला, श्वास घेण्यास त्रास, ताप आणि थकवा जाणवत होता. प्राथमिक उपचारानंतरही सुधारणा न झाल्याने त्याला डॉ. उल्हास पाटील रुग्णालयात दाखल करण्यात आले. बालरोगतज्ज्ञांनी तपासणी केली असता त्याला गंभीर न्युमोनिया झाल्याचे निदर्शनास आले. क्ष-किरण आणि रक्ततपासणीद्वारे या आजाराची पुष्टी करण्यात आली.तत्काळ उपचार आणि वैद्यकीय प्रयत्नरुग्णालयातील बालरोग तज्ज्ञांनी योग्य उपचार सुरू केले. अत्याधुनिक वायुवाहक उपचार , अँटिबायोटिक्स आणि नेब्युलायझेशन याद्वारे त्याला योग्य औषधोपचार देण्यात आले. त्याचबरोबर अत्याधुनिक आयसीयू सुविधा आणि वैद्यकीय तज्ज्ञांचे सतत निरीक्षण यामुळे मुलाची प्रकृती हळूहळू सुधारू लागली. विशेष म्हणजे महात्मा फुले जनआरोग्य योजनेंतर्गत बालकावर मोफत उपचार करण्यात आले. उपचारासाठी बालरोग तज्ञ डॉ. उमाकांत अणेकर, डॉ. ओमश्री गुडे, डॉ. चंदाराणी देगूलरकर, डॉ. कुशल धांडे यांनी सहकार्य केले.
कुटुंबाची समाधानाची भावना
उपचारांना चांगला प्रतिसाद मिळाल्यानंतर मुलाची प्रकृती लवकरच स्थिर झाली. डॉक्टरांच्या अथक प्रयत्नांमुळे मुलाची प्रकृती सुधारल्याचे पाहून कुटुंबीयांनी समाधान व्यक्त केले. आमच्या मुलाचे प्राण वाचवण्यासाठी डॉक्टरांनी घेतलेली मेहनत अमूल्य आहे. आम्ही त्यांचे कायम ऋणी राहू, असे बालकाच्या पालकांनी सांगितले.
लहान मुलांमध्ये न्युमोनिया हा गंभीर आजार असू शकतो. वेळेवर निदान आणि योग्य उपचार झाल्यास त्यावर यशस्वी नियंत्रण मिळवता येते. पालकांनी मुलांच्या आरोग्याकडे लक्ष द्यावे आणि लक्षणे दिसल्यास त्वरित डॉक्टरांचा सल्ला घ्यावा.
– डॉ. ओमश्री गुडे, निवासी डॉक्टर
