जळगाव ( प्रतिनिधी ) – समता नगरातील तरूणाने राहत्या घरात गळफास घेवून अत्महत्या केल्याची घटना आज सकाळी उघडकीला आली रामानंदनगर पोलीस ठाण्यात अकस्मात मृत्यूची नोंद करण्यात आली आहे.
सुधीर नाना साळुंखे (वय-३३) असे मयत तरूणाचे नाव आहे. सुधीर साळुंखे त्यांचे आईवडील, पत्नी व भावासोबत समतानगरात वास्तव्याला होते . ते आधी सुरत येथे वास्तव्याला होते. कोरोनामुळे काम बंद झाल्यानंतर ते पत्नीसह जळगावला आले होते. सध्या ते नोकरीच्या शोधात होते. शनिवारी रात्री कुटुंबियांसह जेवण करून सर्वजण झोपले होते. मध्यरात्री सर्वजण झोपलेले असतांना सुधीर साळुंखे यांनी घरात गळफास घेवून आत्महत्या केल्याचे सकाळी उघडकीला आले. त्यांनी आत्महत्या केल्याचे लक्षात आल्यानंतर कुटुंबियांनी आक्रोश केला होता. रामानंदनगर पोलिसांनी पंचनामा केला. रामानंदनगर पोलीस ठाण्यात अकस्मात मृत्यूची नोंद करण्यात आला आहे. पुढील तपास पो ना अतुल चौधरी करीत आहे. मयत सुधीरच्या पश्चात आई मालूबाई, वडील नाना साळुंखे, भाऊ मुकेश, पत्नी मोनाली, मुलगी पुर्वा आणि दीड वर्षाचा मुलगा असा परिवार आहे.
