जळगाव ते भादली दरम्यान घटना
जळगाव (प्रतिनिधी) : जळगाव ते भादली दरम्यान धावत्या रेल्वेतून पडल्याने एका परप्रांतीय तरुणाचा मृत्यू झाल्याची घटना रविवारी २६ मे रोजी मध्यरात्री २ वाजेच्या सुमारास घडली आहे. या प्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली.
इर्शाद मेहबूब (वय ३०, रा. बाबुली जि. पानिपत राज्य हरियाणा) असे मयत परप्रांतीय तरुणाचे नाव आहे. जळगाव ते भादली अप लाईनवरील रेल्वे खंबा क्रमांक ४२४ च्या १४ आणि १५ दरम्यान एका धावत्या रेल्वेतून परप्रांतीय तरुण इर्शाद मेहबूब हा खाली पडून त्याचा दुर्दैवी मृत्यू झाला. या घटनेची माहिती जळगाव रेल्वे स्टेशन प्रबंधक यांनी जळगाव तालुका पोलिसांना कळविली.
त्यानुसार पोलिसांनी घटनास्थळी धाव घेऊन पंचनामा करून मृतदेह शासकीय वैद्यकीय महाविद्यालयात दाखल करण्यात आला. त्याच्याजवळ असलेल्या कागदपत्राच्या आधारे त्याची ओळख पटली. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस हेड कॉन्स्टेबल अनिल फेगडे व पोलीस नाईक नरेंद्र पाटील करीत आहे.
