जळगाव जिल्हा शासकीय रुग्णालयात नातेवाईकांचा आक्रोश ; मंत्री गिरीश महाजन घटनास्थळी
रुग्णालयामध्ये जिल्हाधिकारी आयुष प्रसाद, खा. स्मिता वाघ, आ. राजूमामा भोळे, पोलीस अधीक्षक डॉ. महेश्वर रेड्डी, अप्पर पोलीस अधीक्षक अशोक नखाते, डीवायएसपी संदीप गावित यांनी धाव घेऊन मयताच्या नातेवाईकांशी संवाद साधला आहे. तसेच त्यांना आवश्यक ती मदत दिली जात आहे. रुग्णालयामध्ये नातेवाईकांकडून मोठा आक्रोश केला जात आहे. दरम्यान अनेक मृतदेह हे कापले गेले असल्यामुळे अपघाताची भीषणता लक्षात येत होती.
जळगाव येथील शासकीय वैद्यकीय महाविद्यालय व रुग्णालयामध्ये एकूण १२ मृतदेह दाखल झाले आहेत. या १२ मृतदेहांपैकी ७ मृतदेहांची ओळख पटली आहे. यात ९ पुरुष आणि ३ महिला मयत आहेत.

हिंदू नंदराम विश्वकर्मा (वय ९ ते ११ रा. नेपाळ) लच्छी राम पासी (वय अंदाजे १८ ते २३ रा. नेपाळ) कमला नवीन भंडारी (वय ४३ रा. नेपाळ), जवकला बुट्टे जयगडी (वय ५०), नसिरुद्दीन बद्रुद्दीन सिद्दिकी (वय १८ ते २० रा.कोंडा) इम्ताज अली (वय ३५ रा. गुलऱीहा उत्तर प्रदेश) बाबू खान (वय २७ ते ३०) असे ओळख पटलेल्या मयत व्यक्तींचे नाव आहे.
