जळगावात पोलिसांची रथचौकात कारवाई
जळगाव (प्रतिनिधी) :- शहरातील रथचौकात धारदार लोखंडी सुरा घेवून दहशत पसरविणाऱ्या एकावर शनीपेठ पोलीसांनी कारवाई करत अटक केली आहे. याप्रकरणी शनिवारी ७ जून रोजी शनीपेठ पोलीस ठाण्यात गुन्हा दाखल करण्यात आला आहे.
जळगाव शहरातील रथ चौकात संशयित आरोपी कृष्णा सुभाष ठाकूर (वय २८) हा हातात लोखंडी सुरा घेवून दहशत करीत असल्याची गोपनिय माहिती शनीपेठ पोलीस ठाण्याचे पोलीस निरीक्षक कावेरी कमलाकर यांना मिळाली. त्यानुसार त्यांनी पथकाला कारवाई करण्याबाबतच्या सुचना देण्यात आल्या. त्यानुसार पोलीसांनी कारवाई करत संशयित आरोपी कृष्णा सुभाष ठाकूर याला धारदार लोखंडी सुऱ्यासह अटक केली आहे. याप्रकरणी पोलीस कॉन्स्टेबल विक्की इंगळे यांनी दिलेल्या फिर्यादीवरून गुन्हा दाखल करण्यात आला आहे. पुढील तपास सहाय्यक फौजदार गणेशकुमार नायकर हे करीत आहे.
