जळगावात समता नगर येथील घटना
जळगाव (प्रतिनिधी) :- शहरातील समता नगर येथील प्रौढ इसमाने राहत्या घरी गळफास लावून घेत आत्महत्या केल्याची धक्कादायक घटना गुरुवारी दि. २२ मे रोजी सकाळी उघडकीस आली आहे. याप्रकरणी रामानंद नगर पोलीस स्टेशनला अकस्मात मृत्यूची नोंद करण्यात आली आहे.
ईश्वर सुखदेव वाघ (वय ४९, समता नगर, जळगाव) असे मयत प्रौढ इसमाचे नाव आहे. ते पत्नी, १ मुलगा, १ विवाहित मुलगी यांच्यासह राहत होते. भंगार व्यवसाय करून ते परिवाराचा उदरनिर्वाह करीत होते.(केसीएन) दरम्यान, बुधवारी रात्री घरातील सर्व सदस्य जेवण झाल्यावर झोपी गेले. सकाळी उठल्यावर मात्र ईश्वर वाघ हे गळफास घेतलेल्या अवस्थेत दिसून आले.
त्यांना शासकीय वैद्यकीय महाविद्यालय व रुग्णालयात दाखल करण्यात आले असता वैद्यकीय अधिकाऱ्यांनी त्यांना मयत घोषित केले.(केसीएन) यावेळी कुटुंबीयांनी एकच आक्रोश केला. घटनेमुळे समता नगर येथील नागरिकांनी रुग्णालयात एकच गर्दी केली होती. घटनेची रामानंद नगर पोलीस स्टेशनला अकस्मात मृत्यूची नोंद करण्यात आली आहे.
