रावेर येथे सार्वजनिक वाचनालयात उपक्रम
चंद्रकात कोळी
रावेर (प्रतिनिधी) : येथील फुले शाहू आंबेडकर सार्वजनिक वाचनालयात प्रियदर्शी राजा सम्राट अशोक यांची २३३० वी जयंती उत्साहात साजरा करण्यात आली.
याप्रसंगी प्रियदर्शी राजा सम्राट अशोक यांचे प्रतिमेस उपअधीक्षक, भूमी अभिलेख आर. एस. घेटे, ॲड योगेश गजरे, सेवानिवृत्त मुख्याध्यापक संतोष गाढे यांनी पुष्पहार अर्पण करून अभिवादन केले.
यावेळी फुले, शाहू, आंबेडकर वाचनालयाचे अध्यक्ष राजेंद्र अटकाळे यांनी प्रास्ताविक केले. कार्यक्रमाला वंचित बहुजन आघाडीचे माजी तालुकाध्यक्ष बाळू शिरतुरे, संतोष कोसोदे, विलास थाटे, जनक्रांती युवा मोर्चाचे जिल्हाध्यक्ष साहेबराव वानखेडे, रॉकी साबळे, प्रकाश रायमळे, जितेंद्र जाधव, संतोष कदम, नंदलाल पवार, नीलराज इंगळे यांच्यासह वाचक मोठ्या संख्येने उपस्थित होते. कार्यक्रमाचे सूत्रसंचालन जितेंद्र साबळे यांनी तर आभार राहुल राणे यांनी मानले.
