जळगाव शहरात वेश्या व्यवसायावर पोलिसांची मोठी कारवाई
जळगाव (प्रतिनिधी) – शहरातील रामानंद नगर पोलीस ठाण्याच्या हद्दीत असणाऱ्या पिंप्राळा परिसरातील एका बंगल्यात सुरू असलेल्या वेश्या व्यवसायावर पोलिसांनी धडक कारवाई करत उद्ध्वस्त केला आहे. या गुप्त छाप्यात पोलिसांनी ४ पीडित महिलांची सुटका केली असून ३ आरोपींना बेड्या ठोकल्या आहेत.
पोलीस सूत्रांनी दिलेल्या माहितीनुसार, पिंप्राळा परिसरातील एका बंगल्यात बेकायदेशीरपणे वेश्या व्यवसाय चालवला जात असल्याची गुप्त माहिती पोलिसांना मिळाली होती. या माहितीच्या आधारे पोलिसांनी बनावट ग्राहक पाठवून खात्री केली आणि गुरुवारी तात्काळ सदर बंगल्यावर छापा टाकला.
या कारवाईदरम्यान पोलिसांनी घटनास्थळावरून संशयितांना ताब्यात घेतले असून रामानंद नगर पोलीस ठाण्यात गुन्हा दाखल करण्याची प्रक्रिया सुरू आहे. या रॅकेटमध्ये आणखी कोणाचा सहभाग आहे का, याचा पुढील तपास पोलीस करत आहेत.
कारवाईचा तपशील
पीडित महिला: ०४ (सुटका करण्यात आली)
ग्राहक: ०३ (ताब्यात)
पंटर: ०१
अटकेतील आरोपी: ०३ (०१ महिला व ०२ पुरुष)
सदर ही कारवाई प्रभारी उप पोलीस अधिक्षा सह्याद्री बिर्ले,रामानंदनगर पोलीस स्टेशचे निरीक्षक मधुकर साळवे याच्या मार्गदर्शनाखाली सहाय्यक पोलीस निरीक्षक माधुरी बोरसे, पीएसआय दिनेश बडगुजर,राजेश पाटील, सहाय्यक फौजदार संजय हिवरकय, भूषण कोल्हे,अनिल पाटील,मनिषा पाटील, राखी खाटीक,हे.काँ. दिपक पाटील,कीरण धनगर,संगपाल तायडे,अमित माळी,रामानंदनगर पोलीस स्टेशन चे जितेंद्र राजपूत ,व जितेंद्र राठोड यांनी ही केली आहे.
