पारोळा तालुक्यातील भोकरबारी गावातील घटना
पारोळा ( प्रतिनिधी ) – पिकांवर फवारणी करीत असताना त्याचा नाका तोंडात विषारी औषध गेल्याने तालुक्यातील भोकरबारी येथील तरुण शेतकऱ्याला विषबाधा झाली होती. तीन दिवसाच्या उपचारादरम्यान त्याचा समाधान पाटील शुक्रवारी दुपारी मृत्यू झाला.
समाधान रमेश पाटील (वय ३३) असे मृत शेतकऱ्याचे नाव आहे.मृत शेतकऱ्याच्या पश्चात एक मुलगा, एक मुलगी व पत्नी असा परिवार आहे. याप्रकरणी पाराळा पोलिस ठाण्यात आकस्मित मृत्यूची नोंद करण्यात आली आहे. समाधान पाटील हे २१ रोजी निमबटाई करीत असलेल्या आपल्या शेतातील पिकावर फवारणी करण्यासाठी गेले होते. ते सायंकाळी घरी आल्यावर त्यांना चक्कर येऊन अस्वस्थ वाटत होते. नातेवाईकांनी त्याला कुटीर रुग्णालयात उपचारसाठी दाखल केले.
दोन दिवस त्या ठिकाणी उपचार करून त्याला खासगी रुग्णालयात दाखल करण्यात आले. त्यांच्यावर उपचार सुरू असताना शुक्रवारी दुपारी ४.३० वाजेच्या सुमारास त्यांचा मृत्यू झाला. याप्रकरणी त्यांचे मामा संजय धनसिंग पाटील यांनी दिलेल्या माहितीवरून आकस्मित मृत्यूची नोंद करण्यात आली आहे.
