पारोळा तालुक्यातील हनुमंतखेडे येथील घटना
पारोळा (प्रतिनिधी) : तालुक्यातील हनुमंतखेडे येथील ५५ वर्षीय शेतकऱ्याचा विहिरीत पाय घसरून पडल्याने मृत्यू झाल्याची घटना रविवारी घडली. पारोळा पोलीस स्टेशनला अकस्मात मृत्यूची नोंद करण्यात आली आहे.
राजेंद्र पंडित पाटील (वय ६०,हनुमंतखेडे, ता. पारोळा) असे मयत शेतकऱ्याचे नाव आहे. ते वाघरा वाघरी शिवारातील स्वतःच्या विहिरीतून पाणी काढत असताना त्यांचा अचानक पाय घसरला आणि ते विहीरीत पडले. ही बाब कळताच ग्रामस्थांनी घटनास्थळी धाव घेत पाटील यांना बाहेर काढले.
त्यांना बाहेर काढून उपचारासाठी पारोळा कुटीर रुग्णालय येथे दाखल केले असता डॉक्टरांनी तपासून मयत घोषित केले. यावेळी लक्ष्मण पंडित पाटील यांनी खबर दिलेल्या फिर्यादीवरून अकस्मात मृत्यूची नोंद करण्यात आली असून तपास पारोळा पोलिस करीत आहेत.
