पाचोरा शहरातील घटना
जळगाव (प्रतिनिधी) : पाचोरा शहरातील हिवरा नदीजवळील रोडवर दुचाकीवरून ताबा सुटल्याने दुचाकी दुभाजकावर आदळली. यात गंभीर जखमी झालेल्या तरुणाचा शासकीय वैद्यकीय महाविद्यालय व रुग्णालयात उपचार सुरू असताना सोमवारी दि. १५ जुलै रोजी दुपारी ३ वाजता मृत्यू झाल्याची घटना घडली आहे. यावेळी पतीनंतर एकुलता एक मुलगा गेल्याने आईने मन हेलवणारा आक्रोश केला होता. याबाबत जिल्हापेठ पोलिसात अकस्मात मृत्यूची नोंद करण्यात आली आहे.
मंदार सुधीर गोसावी (वय-२३, रा. पाचोरा) असे मयत तरुणाचे नाव आहे. मंदार हा पाचोरा येथे आईसह वास्तव्याला होता. मेकॅनिक काम करून तो उदरनिर्वाह करीत होता. (केसीएन) रविवारी दि. १४ जुलै रोजी रात्री ११.३० वाजता पाचोरा शहरातील हिवरा नदीजवळ पूजा गॅरेज समोरून जात असताना त्याचा दुचाकीवरील ताबा सुटल्याने दुचाकी थेट दुभाजकावर आढळली. यात त्याच्या डोक्याला गंभीर दुखापत झाली.
सोमवारी दि. १५ जुलै पहाटे २ वाजता त्याला शासकीय वैद्यकीय महाविद्यालयात उपचारासाठी दाखल करण्यात आले. त्याच्यावर उपचार सुरू असताना सोमवारी दुपारी ४ वाजता त्याचा मृत्यू झाला. यावेळी रुग्णालयात त्याच्या आईने मन हेलावणारा आक्रोश केला. याबाबत जिल्हापेठ पोलिसात अकस्मात मृत्यूची नोंद करण्यात आली आहे.
===================
