बांधकाम कामगारांसाठी २२ जूनपासून आरोग्य शिबिराचे आयोजन
पाचोरा (प्रतिनिधी) :- शहरात जनसेवक बंडू केशव सोनार यांच्या पुढाकाराने आणि आ. किशोर पाटील यांच्या मार्गदर्शनाखाली बांधकाम कामगारांसाठी एका विशेष आरोग्य शिबिराचे आयोजन करण्यात आले आहे. प्रभाग क्रमांक आठमध्ये हे शिबिर दिनांक २२ जून ते २७ जून २०२५ या कालावधीत दररोज दुपारी १.३० ते ४.३० या वेळेत सुरू राहणार आहे. या आरोग्य शिबिरात बांधकाम कामगारांची सर्वांगीण आरोग्य तपासणी केली जात आहे.
यामध्ये ऑनलाईन रजिस्ट्रेशन, वजन, शुगर, बीपी तपासणी, डोळ्यांची तपासणी, फुफ्फुसांची तपासणी आणि उंची तपासणी यासारख्या विविध चाचण्यांचा समावेश आहे. एचएलएल आणि हिंद लॅब यांच्या संयुक्त विद्यमाने अमित वाणी आणि फिरोज शेख हे कर्मचारी रक्त तपासणीची जबाबदारी सांभाळत आहेत.
या शिबिराचा उद्देश बांधकाम कामगारांना त्यांच्या आरोग्याची काळजी घेण्यास मदत करणे हा आहे. दररोज सुमारे ३५ कामगारांची तपासणी केली जात आहे. पाचोरा शहरातील आणि प्रभागातील सर्व बांधकाम कामगार बंधू-भगिनींनी या शिबिराचा लाभ घ्यावा, असे आवाहन आयोजकांतर्फे करण्यात आले आहे. अधिक माहितीसाठी जनसेवक बंडूभाऊ सोनार यांच्याशी ९१५८५०९३१८ या क्रमांकावर संपर्क साधण्याचे आवाहनही करण्यात आले आहे.
