राज्यपालांच्या मार्गावर गर्दी झाल्यामुळे पोलीस प्रशासनाची तारांबळ
जळगाव (प्रतिनिधी) : शहरातील छत्रपती संभाजीनगर महामार्गावरील मानराज सुझुकी शोरूम येथील सोलरच्या इलेक्ट्रिक पॅनलला आज बुधवारी सकाळी आग लागल्याने खळबळ उडाली असून अग्निशामक दलाचे २ बंब घटनास्थळी दाखल झाले आहेत. तर आगीमध्ये शोरूमचे लाखो रुपयांचे नुकसान झाल्याचा प्राथमिक अंदाज वर्तवला जात आहे.
राज्याचे राज्यपाल सी.पी. राधाकृष्णन हे जळगाव जिल्ह्याच्या दौऱ्यावर आज बुधवारी सकाळी ९.१५ वाजता जळगाव विमानतळावर येत आहेत. नेमका त्याच मार्गावर असलेल्या मानराज सुझुकी कारच्या शोरूमच्या सोलर इलेक्ट्रिक पॅनलमध्ये बिघाड झाल्यामुळे आग लागली आहे. आग लागल्याचे समजताच कर्मचाऱ्यांनी तातडीने अग्निशमन दलाला माहिती दिली. तसेच एमआयडीसी पोलीस स्टेशनला माहिती मिळताच त्यांनी घटनास्थळी धाव घेतली. दरम्यान आगीचे वृत्त कळताच परिसरातील नागरिकांनी मोठी गर्दी केली आहे. ही गर्दी कमी करण्यासाठी पोलीस प्रशासनाची तारांबळ सुरू आहे. सदर घटनेत कीती नुकसान झाले आहे ९ वाजेपर्यंत कळले नव्हते शोरुमचे कर्मचारी दाखल झाले आहे.
