जामनेर (प्रतिनिधी) – येथील विविध कार्यकारी सोसायटी निवडणुकीमध्ये माजी मंत्री आ.गिरीश महाजन यांच्या नेतृत्वातील भारतीय जनता पक्ष, काँग्रेस आणि प्रहार युतीच्या सहकार पॅनलने एकतर्फी विजय मिळवला आहे. त्यांनी १३ पैकी १३ जागांवर विजय मिळवून यश संपादन केले आहे.
विविध कार्यकारी सोसायटी निवडणुकीत माजी मंत्री आमदार गिरीश महाजन यांच्या नेतृत्वात भाजप , काँग्रेस , प्रहार युतीचे सहकार पॅनल तर संजय गरुड यांचे नेतृत्वातील राष्ट्रवादी ,सेनेचे शेतकरी पॅनल समोरासमोर उभे होते. सहकार पॅनलच्या एस सी व ओबीसी मतदार संघातील जागा बिनविरोध, महिला ,व भटक्या विमुक्त जागेसाठी एकास एक लढत, सर्वसाधारणच्या आठ जागेसाठी १५ उमेदवार रिंगणात होते. मागील तीन पंचवार्षिक पासून बिनविरोध झाली होती . १३ जागांसाठी होऊ घातलेल्या निवडणुकीत अनुसूचित जाती व इतर मागास प्रवर्गातील अशा दोन जागा माजी मंत्री आमदार गिरीश महाजन यांच्या सहकार पॅनलच्या बिनविरोध झाल्या होत्या.
दि. १७ रोजी वाकी रोडवरील जिल्हा परिषद मराठी मुलांची शाळा १ येथे मतदान सकाळी आठ ते चार वाजेपर्यंत एकुण मतदार १००५ पैकी ५९६ मतदारांनी आपला मतदानाचा हक्क बजावला. चार वाजेनंतर मतदान केंद्रावरच मतमोजणी होऊन निवडणूक निर्णय अधिकारी डी व्हीं पाटील यांनी निर्णय घोषित केला.
यात विजयी उमेदवार पुढीलप्रमाणे – शंकर शिवलाल राजपूत (३३२), विजय दामोदर सोनवणे (३१०), प्रदिप अमृत गायके (३२२), राजेंद्र रघुनाथ भोईटे (३२६), ज्ञानेश्वर केशव माळी (३०८), देवराम झांगो चौधरी (३१४), पांडुरंग केशव महाजन (३२०), अ जावेद अ वाहेद (३३२), महिला प्रवर्ग स्नेहकांता जगन्नाथ लोखंडे (३२८), माधुरी दिनेश लखोटे, (३४०), भटक्या विमुक्त जाती प्रवर्ग – गोविंदा विष्णू धनगर (३४२), अनुसूचित जाती प्रवर्ग- जगन्नाथ शंकर सुरडकर. (बिनविरोध ) इतर मागास प्रवर्ग.. गोपाल लक्ष्मण पाटील.( बिनविरोध) हे विजयी उमेदवार आहे.
राष्ट्रवादी शिवसेनायुती चे पराभूत उमेदवार उमेदवार व त्यांना मिळालेली मते – सर्वसाधारण प्रवर्ग रमेश भाऊराव पाटिल (२०९) राजपूत हीमत भारत (२०९), सोनवणे पांडुरंग शामराव (१९८), बोरसे कविता प्रल्हाद (२१८), महाजन प्रवीण वसंत (१९७), सुधाकर दौलत सोनार (२००) प्रमोद जगन्नाथ टहाकळे (२१५), महिला प्रवर्ग लिलाबाई विश्वनाथ महाजन (१९४), अत्तर बी उस्मान १८५, भटक्या विमुक्त जाती प्रवर्ग सुनिल नामदेव धनगर २०९ अशी दोघेही पॅनलची उमेदवार यादी असून सहकार पॅनल १३ पैकी १३ जागा जिंकून निवडून आले आहेत.
विजयी उमेदवारांचे फटाके व गुलाल उडवून मतदान केंद्राबाहेर जल्लोष करण्यात आला. तसेच माजी मंत्री आमदार गिरीश महाजन यांच्या निवासस्थानी नगराध्यक्ष साधना महाजन यांनी विजयी उमेदवारांचे स्वागत करून सत्कार केला. तसेच आमदार गिरीश महाजन यांनी विजयी उमेदवारांचे अभिनंदन केले आहे.
