धरणगाव (प्रतिनिधी) – (दि २१) इंदिरा गांधी माध्यमिक व कनिष्ठ महाविद्यालय धरणगाव येथे आज दि 21 मार्च रोजी एस एस सी बोर्डाचा इतिहास व राज्यशास्त्र विषयाचा पेपर निमित्त आज येथे प्रविष्ट असलेल्या विद्यार्थ्यांना संस्थेच्या वतीने पेपर पूर्वी साबणाने हात धुवून त्यांचा हात निर्जंतुक करण्यासाठी सॅनिटाईझर लिक्विडचा वापर करण्यात आला.विद्यार्थ्यांसह शिक्षक व अधिकाऱ्यांनीही याचा लाभ घेतला.
कोरोना विषाणू चा वाढता प्रादुर्भाव बघता शिक्षक व विद्यार्थ्याना या सुविधा संस्थेच्या माध्यमातून पुरवण्यात आल्या. इंदिरा गांधी माध्यमिक विद्यालय व आदर्श माध्यमिक विद्यालय धरणगाव, सर्वज्ञ माध्यमिक विद्यालय बोरगाव, तसेच अँग्लो उर्दू हायस्कूल धरणगाव येथील विद्यालयाच्या विद्यार्थ्यांचे एस एस सी मार्च 2020 परीक्षेचे इंदिरा गांधी माध्यमिक विद्यालय केन्द्र क्रमांक 3416 वर 465 परीक्षार्थींना ही सुविधा पुरविण्यात आली. सदर उपक्रमात गटशिक्षणाधिकारी अनिल बाविस्कर, यांच्यासह पंचायत समितीच्या बैठे पथकातील रविंद्र पाटील,संजय गायकवाड, सुरेन्द्र पाटील,प्रवीण सूर्यवंशी, सुरेश भाईमारे,धर्मेंद्र लोखंडे यांनी उपक्रमात सहभाग नोंदवून कौतुक केले. सदर उपक्रम इंदिरा गांधी माध्यमिक विद्यालयाचे सचिव व आदर्श माध्यमिक विद्यालयाचे अध्यक्ष सी.के.पाटील यांच्या मार्गदर्शनाखाली विद्यालयाच्या मुख्याध्यापिका सौ सुरेखा पाटील, आदर्श माध्यमिक विद्यालयाचे मुख्याध्यापक संदीपकुमार सोनवणे, केन्द्रसंचालक सी.पी.शेवाळे, उपकेंद्रसंचालक ए एस पाटील,यु जी शेख व सर्व शिक्षक शिक्षकेत्तर कर्मचाऱ्यांनी परिश्रम घेतले.
