मुंबई (वृत्तसंस्था) – करोनावर जगभरात मोठ्या प्रमाणावर संशोधन सुरु आहे. या विषाणूची उत्पत्ती कशी झाली? त्यावर कुठली लस, औषध प्रभावी ठरेल? यावर जगभरातील प्रयोगशाळांमध्ये वेगवेगळे प्रयोग सुरु आहेत. यामध्ये भारतातील जीबीआरसीने कोरोना संदर्भात महत्वाची माहिती शोधून काढली आहे. कोरोनावरील संशोधनात गुजरात बायोटेक्नोलॉजी रिसर्च सेंटरच्या वैज्ञानिकांना महत्वाची माहिती मिळाली आहे. त्यांनी कोरोना विषाणूच्या जीनोम साखळीची माहिती मिळवली आहे. भविष्यातील संशोधनाच्या दृष्टीने ही माहिती अत्यंत महत्वपूर्ण ठरु शकते.जीनोम साखळीमुळे कोरोना विषाणूची उत्पत्ती कशी झाली, त्यावर कुठले औषध किंवा लस बनवता येईल आणि हा विषाणू कितपत त्रासदायक ठरु शकतो या संशोधनामध्ये भविष्यात मदत होईल. गुजरातचे मुख्यमंत्री विजय रुपानी यांनी या संशोधनाबद्दल गुजरात बायोटेक्नोलॉजी रिसर्च सेंटरच्या वैज्ञानिकांचे कौतुक केले आहे. आम्हाला तुमचा अभिमान वाटतो असे टि्वटमध्ये रुपानी यांनी म्हटले आहे.
