औरंगाबाद ( प्रतिनिधी ) – चुकीच्या नादाला लागून शेअर मार्केटमध्ये गुंतवणुकीच्या हव्यासापायी तरुणाने चक्क मित्राच्या आजीचे सोन्याचे दागिने लंपास केले. औरंगाबादमधील छावणी परिसरातील पोलसांनी तरुणाला ताब्यात घेतले आहे.
पोलीस दलातून सेवानिवृत्त झालेल्या शमा नियाज मुलगा मुला ,नातू आणि सुनेसह पडेगावातील अन्सार कालोनीत राहतात. त्यांनी आपले पैसे कपाटात ठेवले होते. 6 ऑक्टोबर रोजी कपाटात ठेवलेली काही रक्कम त्यांना दिसली नाही. शोधाशोध करताना त्यांना कपाटातील पिशवीमधून सोन्याच्या बांगड्या , गंठण कानातले, आणि सोन्याची अंगठी नसल्याचे लक्षात आले.
त्यांनी माहिती पोलिसांना दिली.चौकशी करताना त्यांच्या कडे येजा करणाऱ्यांवर बारीक लक्ष ठेवले.त्यात नातवाचा मित्र आफताब सतत ये जा करत असल्याचे आढळले. पोलिसांनी आफताबची चौकशी केली असताना त्याने उडवाउडवीची उत्तरे दिल्यामुळे पोलिसांना त्याचावर संशय आला आणि त्यांनी त्याच्या बदललेल्या राहणीची चौकशी केली असताना त्याने गुन्हा कबुल केला.
त्याने यापूर्वी देखील मित्राच्या आजीच्या घरात चोरी केल्याचे सांगितले,आपण केलेले कृत्य कोणाला कळाले नाही,या मुळे आत्मविश्वास वाढला आणि त्याने सोन्याच्या दागिन्यांवर हात साफ केले.त्याने हे दागिने एका सराफच्या दुकानात एका महिलेच्या मदतीने विकल्याचे सांगितले.
त्याने हे शेअर बाजारात पैसे गुंतवण्यासाठी केल्याचे सांगितले.त्याला शेअरबाजाराचा नाद लागला आहे.आफताब हा सुशिक्षित असून सध्या तो बंगळुरू मधून फार्मेसीचे शिक्षण घेत आहे. पोलिसांनी त्याला ताब्यात घेतले आहे.
