एरंडोल शहरात घडली होती घटना
जळगाव ( प्रतिनिधी ) : – शेअर मार्केटमधील कर्जावरून झालेल्या वादातून नातवाने आजीच्या डोक्यात कुऱ्हाडीने वार करून तिला गंभीर जखमी केल्याची घटना धरणगाव येथे घडली होती. यामध्ये गंभीर जखमी झालेल्या लिलाबाई रघूनाथ विसपुते (वय ७०, रा. महाबळ, जळगाव) या महिलेवर पुणे येथे उपचार सुरु असतांना त्यांचा दि. ८ रोजी दुपारी मृत्यू झाला. त्यामुळे दाखल असलेल्या गुन्ह्यात खुनाचे कलम वाढविण्यात येणार आहे.
शेअर मार्के टमध्ये गुंतवणुकीसाठी मोठ्या प्रमाणावर कर्ज केल्यामुळे मुलीकडे गेलेल्या लीलाबाई विसपुते यांनी नातवाला रागविले होते. यामुळे त्यांच्यात अनेकदा वाद झाल्याच्या घटना घडल्या होत्या. दि. २६ जून रोजी दुपारी सव्वा तीन वाजेच्या सुमारास तेजस आणि लिलाबाई यांच्यात शेअर मार्केटच्या कर्जावरून पुन्हा मोठा वाद झाला होता. याच वादातून बेडरुममध्ये झोपलेल्या लिलाबाई यांच्यावर तेजस विलास पोतदार (रा. धरणगाव) याने वार करुन गंभीर जखमी केले होते. वार केल्यानंतर तेजसने आजीवर कुणीतरी हल्ला केल्याचा बनाव केला होता. याप्रकरणी गुन्हा दाखल झाल्यानंतर पोलिसांनी या घटनेचा उलगडा करीत हा गुन्हा संशयित तेजसने केल्याचे उघड केले होते. त्यावेळी त्याला अटक करण्यात आली असून तो सद्या न्यायालयीन कोठडीत आहे.
